Ўзбекистоннинг Россиядаги элчихонаси 18 нафар Ўзбекистон фуқароларини қулликда ушлаб туришда гумонланувчи шахслар Москва вилояти полицияси томонидан қўлга олингани тўғрисида ОАВда тарқалган маълумотни тасдиқлади.
Айни пайтда жиноий иш қўзғатилиб, тергов ҳаракатлари олиб борилмоқда.
Элчихона вазиятни назоратга олди ва консуллик-ҳуқуқий масалаларни ҳал қилиш, жумладан жабрланган юртдошларга ватанга қайтиш сертификатларини расмийлаштириш билан шуғулланмоқда.