Меҳнат муҳожирлари ҳар йили Ўзбекистонга 5 миллиард доллар юбормоқда

1 август куни Халқаро пресс-клубда «Ўзбекистонда одам савдоси ва мажбурий меҳнатга қарши курашишнинг янги тизими: халқаро ҳамкорлик, устувор вазифалар ва муаммолар таҳлили» мавзусига бағишланган навбатдаги сессия бўлиб ўтди.

Тадбирда Бандлик ва меҳнат муносабатлари вазири Шерзод Кудбиев ҳам чиқиш қилди.

«Бугунги кунда 2 миллион 600 мингга яқин фуқароларимиз чет элда меҳнат қилмоқда. Шундан 83 фоизи, яъни 2 миллиондан ортиқ фуқаролар Россияга тўғри келади.

Ҳар йили меҳнат муҳожирларимиз томонидан 5 миллиард АҚШ долларига яқин маблағ мамлакатга юборилмоқда. Бу ҳар қандай экспорт тармоғидан кўп дегани.

Биз ички ишлар вазирлиги, ташқи ишлар вазирлиги билан ҳамкорликда биргина Россиянинг ўзидан 1314 нафар фуқароларимизни вақтинча ушлаб туриш жойларидан қайтариб олиб келдик. 12774 нафар фуқароларимизга Россияда консультация бериш орқали 296 минг АҚШ долларига тенг маблағни тиклаб бердик. 164 мингта имтиёзли нархларда фуқароларга самолёт, поезд чипталари олиб бердик», дея вазирнинг сўзларини келтирмоқда Kun.uz нашри.

Ушбу сессияда одам савдоси бўйича ўз ваколат доирасида Олий суд раиси Козимжон Комилов ҳам бир неча рақамлар ва маълумотлар тақдим этди.

«Одам савдоси бўйича жиноий ишлар миқдори пасаймоқда. 2017 йилда бу кўрсаткич 401 нафар, 2018 йилда 234 нафар, бу йилги 6 ойлик ичида 70та бундай ишлар тақдим этилган. Бу 70та жиноий ишнинг 55тасини аёллар содир этган. Шунингдек, 70 фоиз ишларда жабрланувчилар ҳам аёллардир», дейди Олий суд раиси.

Бўлишинг:

Муҳаррир танлови

Россияликлар кредит ботқоғига ботмоқда: банклар хурсанд, иқтисодчилар огоҳлантирмоқда

Банклар кредит маҳсулотларига бўлган талабнинг юқорилигидан хурсанд бўлмоқда, оддий фуқаролар эса эски қарзларни қоплаш учун янгиларини олмоқда. Eurasianet.org маълумотларига ...

Жиззахлик фермер миб томонидан бир гилами олиб қўйилгани учун ўзини ўлдириб олган

Жиззахда фермер ўз жонига қасд қилди. Ижтимоий тармоқларда бунга МИБ томонидан мол-мулки мусодара қилингани сабаб қилиб кўрсатилганди. Прокуратура эса унинг бор-йўғи битта ...

Uzauto motors янгиланган malibu моделини тақдим этади

1.5 л Turbo двигателли янгиланган Malibu Facelift автомобили олдузатмали автомобиль аввалгисидан 100 килограммга енгил эканлигига қарамай, унинг узунлигига тахминан 12 ...


Warning: Missing argument 2 for _x(), called in /home/npzfqf3cbnqn/public_html/mulkdor.com/wp-content/themes/mulkdornew/inc/functions/theme_functions.php on line 1213 and defined in /home/npzfqf3cbnqn/public_html/mulkdor.com/wp-includes/l10n.php on line 399

Notice: Undefined variable: context in /home/npzfqf3cbnqn/public_html/mulkdor.com/wp-includes/l10n.php on line 400