Ўзбекистонда кучишлатар тузилмалар исёнларни бостириш учун машқ қилишмоқда

1-3 август кунлари Республика миқёсида биринчи маротаба Мудофаа вазирининг биринчи ўринбосари – Қуролли Кучлар бош штаби бошлиғи раҳбарлигида Кучишлатар тузилмаларнинг ҳамкорликдаги амалий ўқув машғулотларини такомиллаштириш бўйича кўргазмали машғулот ўтказилди.

Унда барча вилоятлардаги Қуролли Кучлар куч тузилмалари раҳбарлари иштирок этди. Бу ҳақда Марказий ҳарбий округ матбуот хизматига таяниб “Хабар.уз” маълум қилди.

Катта масштабдаги ўқув машғулотлари дастлаб видеоселектор тарзида ўтказилди. Шундан сўнг, ҳар бир ҳарбий округ кесимида Куч тузилмаларнинг ҳамкорликдаги амалий машғулотларига старт берилди.

Марказий ҳарбий округнинг Навоий, Самарқанд ҳамда Жиззах горнизонларида “Зарба”, “Тўлқин” ҳамда “Қалқон” операциялари ўтказилди.

“Зарба” операциясида ДХХ тезкор гуруҳи томонидан қуролли шахслар бошқарувидаги машина аниқланиб, Мудофаа, Ички ишлар вазирлиги ҳамда Миллий гвардия таркибидан тузилган йиғма махсус отряд ҳамкорлигида қўлга олинди.

Самарқанд шаҳридаги “Тўлқин” ва “Қалқон” операцияларига Марказий ҳарбий округ қўшинлари қўмондонининг биринчи ўринбосари полковник Қаҳрамон Ачилов бошчилик қилди. Учинчи кучлар “тарғиботи” асосида йиғилган намойишчилар қисқа фурсатда тарқатилди.

Самарқанд шаҳри Ички ишлар бошқармаси тезкор вазифаларни бажарувчи сафарбар отряди томонидан “Қалқон” операцияси муваффақиятли якунланди.

Шаҳар хавфсизлигини таъминлаш мақсадида, блокпостлар ўрнатилди. Шубҳали кўринган шахслар мукаммал текширилиши учун Вазиятларни ўрганиш марказига юборилди.

 

Бўлишинг:

Муҳаррир танлови

Биз кўп таъминланганмизми? ҳоким билан суҳбат

«Кам таъминланган оила». Бу тоифага кимлар киради? Кимлар «кўп таъминланган оила»? Мухбиримиз Каримберди Тўрамурод Ширин шаҳри ҳокими Илҳом Бегалиев билан шу ва бошқа ...

Беш юлдузли отелга қамалган шаҳзодалар

Шу ҳафтада дунё матбуотида Саудия Арабистони подшоҳи 11 нафар шаҳзода ва подшоҳликнинг амалдаги ҳукуматида фаолият юритаётган 4 нафар вазирни коррупцияда гумонлаб ҳибсга ...

Мурод хонтўраев пичоқлангани ҳақидаги хабар рад этилди

Бироз аввал қатор нашрларда аралаш қоидали яккакурашлар жангчиси Мурод Хонтўраевнинг 27 март куни пичоқлангани ҳақида хабарлар тарқалганди. Тошкент шаҳар ИИББ матбуот хизмати ...