Болаларни неча ёшдан бошлаб китоб ўқишга жалб қилиш керак?

Олимлар томонидан ўтказилган янги тадқиқот натижаларига кўра, ота-она ўз фарзандининг олти ойлик вақтидан бошлаб унда билим кўникмалари ва яхши хотирани шакллантириши мумкин. Бунинг учун шунчаки болаларга китоб ўқиб бериш кифоя. “Ортодокс” тиббий порталида шу мазмундаги мақола тақдим этилди.

Мутахассислар тўрт йил давом этган тажрибалар мобайнида 250 нафар бола ва уларнинг оналарини кузатишган – болаларнинг янги сўзларни эслаб қолиши, кейинроқ эса уларнинг билим кўникмалари ва ўқиш техникасига оид хусусиятлари текшириб борилган.

Тадқиқот натижалари шуни кўрсатдики, ота-она  фарзандининг эрта болалик чоғиданоқ у билан шуғулланса –  унга китоблар ўқиб берса, ўқилган асарни муҳокама қилса, суратларни биргаликда томоша қилиб, китобни болага ишониб топширса – бу боланинг нутқи равон, хотираси эса мустаҳкам бўлишига пойдевор бўлиб хизмат қилади.

Шунингдек, бундай машғулотлар болага мактабдаги ўқув дарсликларини яхши ўзлаштириш, ўз фикрини тўғри ифодалай билиш ва тенгдошлари билан осон тил топишишга ёрдам беради.

Манба:Кун.уз

Бўлишинг:

Муҳаррир танлови

Нуриддин домла холиқназаров тошкент шаҳар бош имом хатиби бўлди

Тошкент шаҳарга янги бош имом хатиб тайинланди. Андижон вилоят бош имом хатиби сифатида ишлаб келган Нуриддин домла Холиқназаров ушбу вазифага тайинланган. Бу ҳақда Kun.uz ...

Тожикистонлик эркак 2 йил давомида 15 ёшли ўзбекистонлик қизни зўрлаб келмоқда

Россиянинг Уфа шаҳрида 44 ёшли тожикистонлик эркак онасининг ҳужжатлари билан боғлиқ муаммоларини рўкач қилиб 15 ёшли ўзбекистонлик қизни зўрлаб келгани аниқланди. Маълум ...

Тошкентда йил бошидан бери оилавий ажримлар сони 769 тани ташкил этмоқда

Тошкент шаҳар ҳокимлигида “Оила” илмий-амалий тадқиқот маркази ҳамда Тошкент шаҳар Хотин-қизлар қўмитасининг оилавий ажримлар, уларни келиб чиқиш сабаблари муҳокамасига ...