Усмон Раҳимов Олмалиқ шаҳрига ҳоким бўлди

Усмон Исмоилович Раҳимов Олмалиқнинг янги ҳокими бўлди. Унинг номзоди 15 август куни бўлиб ўтган халқ депутатлари Олмалиқ шаҳар Кенгашининг навбатдан ташқари 39-сессиясида тасдиқланди, дея хабар қилди Тошкент вилояти ҳокимияти матбуот хизмати.

Усмон Раҳимов — Тошкент давлат техника университети битиручиси (1999). Меҳнат фаолиятини «Тошнефтгазқурилиш» компаниясининг «Пайвандқурилишмонтаж» УКда муҳандисликдан бошлаб, бош механик, директор ўринбосари ва директор лавозимигача бўлган йўлни босиб ўтган.

Кейинчалик Тошкент вилояти ҳокимининг саноатни ривожлантириш, қурилиш, коммуникациялар ва коммунал хўжалик масалалари бўйича биринчи ўринбосари лавозимида фаолият кўрсатди.

2018 йилдан Нурафшон шаҳри (собиқ Тўйтепа шаҳри, ҳозирда Тошкент вилоятининг маъмурий маркази) ҳокими лавозимини эгаллади.

Сессияда сўзга чиққан вилоят ҳокими в. б. Рустам Холматов шундай деди: «Мен Тошкент вилоятида олдин ҳам масъул вазифаларда ишлаганман. Олмалиқ шаҳри қиёфаси ўша ўн йиллар олдин ҳам деярли шундай эди. Шаҳарда туб ўзгариш кўзга ташланмаяпти. Ваҳоланки, пойтахтга борсангиз, шаҳар қиёфаси йил сайин ўзгариб бораётганини кўрасиз».

Унинг сўзларига кўра, сентябрда Ўзбекистон президенти Шавкат Мирзиёевнинг ташрифи кутилмоқда. «Биз давлат раҳбарининг ташрифига тайёрмизми? Олмалиқда Президент ислоҳотлари самаралариниоддий одамлар ҳис қилаяптими? Бугун ҳаммамиз ана шу саволга виждонан жавоб беришимиз керак», — деди вилоят маъмурияти раҳбари.

Бўлишинг:

Муҳаррир танлови

Қўшма штатлар ва туркия виза беришни тўхтатиб қўйди

Якшанба куни АҚШнинг Анқарадаги элчихонаси Туркия фуқароларига, иммигрантларни истеъсно қилган холда, барча турдаги визалар бериш тўҳтатилганини маълум қилди. Орадан бир неча ...

Йпх ходимида айб йўқ! ҳамма айб «телефон»да…

Декабрнинг илк ҳафтаси, кун жудаям совуқ эди. Самарқанднинг катта кўчаларидан биридаги бекатда хаёл билан автобус кутиб турган эдим. Шу пайт ЙПХ ходимининг ҳуштагидан ...

Ўзбекистонда ҳайит намози ўқиганлардан 5 млрд. 990 млн. 217 минг сўмдан зиёд маблағ келиб тушди

Бугун 2019 йилнинг 11август куни Вазирлар Маҳкамаси ҳузуридаги Дин ишлари бўйича қўмита томонидан Миллий матбуот марказида брифинг ўтказилди. Брифингда бугун юртимиз ...