Олмазор тумани ҳокими ўринбосари Абдурасул Ваҳабов қонун олдида жавоб бериши шарт

Ўзбекистон Журналистлари ижодий уюшмаси Олмазор тумани ҳокимининг архитектура, капитал қурилиш ва коммуникацияларни ривожлантириш бўйича ўринбосари Абдурасул Ваҳабовни Kun.uz ходимларига давлат органи ходимига хос бўлмаган тарзда муомалада бўлгани, бу билан чекланмай, ижодий жамоа ходимларидан видеотасвирга олмасликни талаб қилиб, операторга ташлангани, таҳририятга тегишли техник воситани синдириб ташлаганини кескин қоралайди.

Мамлакатимизда матбуот ва сўз эркинлиги, давлат ҳокимияти органлари фаолияти очиқлигини таъминлашга жиддий эътибор қаратилаётган, давлатимиз раҳбарининг шахсан ўзи журналист ва блогерларни ҳар жиҳатдан қўллаб-қувватлашга алоҳида эътибор қаратиб турган  бир пайтда Олмазор тумани ҳокими ўринбосарининг бу хатти-ҳаракатини қандай тушуниш керак.

Шу ўринда таъкидлаш жоиз, “Журналистлик фаолиятни ҳимоя қилиш тўғрисида”ги Ўзбекистон Республикаси қонунида журналист журналистлик фаолиятини амалга ошириш чоғида шахс дахлсизлиги кафолатидан фойдаланиши кўрсатиб ўтилган.

Эътиборли жиҳати, А. Ваҳабовнинг Kun.uz ижодий гуруҳига биринчи марта тажовузи эмас. У шу йилнинг январь ойида ҳам кўпчилик олдида тасвирчига ташланган.

Бу каби иллатлар оммавий ахборот воситалари  вакиллари – журналистлар эркин фаолият юритиши таъминланишига путур етказиб, очиқлик сиёсатига, мамлакатимиз тараққиётига раҳна солади. Шундай экан, Олмазор тумани ҳокими ўринбосари Абдурасул Ваҳабов қонун олдида жавоб бериши керак ва шарт.

Ўзбекистон Журналистлари ижодий уюшмаси тегишли идоралар – мазкур масалага масъуллардан тезкор чоралар кўрилишини ва бу ҳақда ОАВ вакилларига маълумот бериб борилишини сўрайди.

Ўзбекистон Журналистлари ижодий уюшмаси

Бўлишинг:

Муҳаррир танлови

Қашқадарёлик тадбиркор ҳоким ўринбосарини ёқиб юборди

Қашқадарё вилояти Яккабоғ туманида тадбиркорлик фаолиятини олиб бораётган шахс йўл ёқасида жойлашган магазинини бузилиши ортидан ҳоким ўринбосарини ёқди. Дарҳақиқат 4-5 ойдан ...

Иссиқни иссиқ, совуқни совуқ демай сувга тушиб, кесак кўтариб машқ қилиб юрган фермерга чиновник эмас нодавлат ҳимоячи керак

Депутат Расул Кушербаев Facebook’даги саҳифасида Савдо-саноат палатасини кескин танқид остига олди. Қуйида унинг матни келтирилади. Расул Кушербаев   “Йирик ...

Қашқадарёда асаб-руҳий касалликлар шифохонаси сирини фош қилишга уринган журналистга куч ишлатилгани айтилмоқда. шифохона қандай сирни яширмоқда?

Қашқадарёда асаб-руҳий касалликлар шифохонаси сирини фош қилишга уринган журналистга куч ишлатилгани айтилмоқда. Шифохона қандай сирни яширмоқда? Дилшод Набиев. Фото: «Дарё» ...