Туркман прокурорлари Ўзбекистонга бензин сотгани учун ишдан олинди

7 август куни Туркманистон президенти Гурбангули Бердимухамедов «хизмат вазифасини лозим тарзда бажармаган» Лебап вилояти прокурорлари Бойжон Бойжонов ва Тўйлимурот Егеновни ишдан олди. Бу ҳақда Кун.уз сайти ёзмоқда.

«Хроники Туркменистана» хабарига кўра, Кўйтендаг тумани прокурори лавозимни эгаллаган Бойжонов ва Давлатли тумани прокурори лавозимини эгаллаган Егенов хизмат вазифасини суиистеъмол қилганлик, давлат мулкини кўп миқдорда ўзлаштирганлик, қўшхотинлилик, тадбиркорлик фаолияти билан ноқонуний шуғулланганликда айбланмоқда.

Бундан ташқари, прокурорлар Ўзбекистон ҳудудидан сигареталарнинг контрабандаси билан ҳам шуғулланишган. Россияда ишлаб чиқарилган тамаки маҳсулотлари Толлимаржон шаҳри яқинидаги ўзбек-туркман чегарасидан ўтказилган. Сигареталар сотиб юбориш шарти билан хусусий дўконларга тарқатилган.

Тергов идоралари эътиборини прокурорларнинг яна бир «бизнеси» ҳам тортган. Улар чегара яқинлигидан фойдаланиб, Лебап вилояти учун ажратилган бензинни қўшни мамлакатга ноқонуний етказишни ҳам йўлга қўйишган, яъни 3 ой ичида Ўзбекистонга А92 маркали 280 тонна бензин сотилган. «Хроники Туркменистана» хабарига кўра, бу факт бўйича Ўзбекистон ҳам тергов ўтказмоқда.

Бўлишинг:

Муҳаррир танлови

Ўзбекистон сингапурчалик бўлолмайдими?

Ўзбекистонда ҳалигача газ ва чироқ муаммоси бор, кўчаларимиз сувга тўлган ёки чиқиндихонага айланган. Бир пайтлар Сингапур шундай хароб аҳволда эди. Аммо ҳозир у дунёнинг энг ...

Credit suisse рейтинги бўйича ўзбекистон ўртамиёна бойликка эга

Ўзбекистоннинг ўртача даромади паст. Мамлакатда аҳоли жон бошига тўғри келадиган бойлик даражаси йилига 6637 долларни ташкил қилади. Бу ҳақда kommersant.uz сайти хабар ...

Бизнес консултант

Сиз қачон ўз бизнесингизни йўлга қуйиш ҳақида уйласангиз, олдингизда бир талай муаммоларниниг турганлигини кўрасиз: 1) Бизнес бошлаш учун пулни қаердан оламан? Агар сен пул ...