Журналистларга тажовуз қилган Абдурасул Ваҳобовнинг «янги қирралари» очилди

Тошкент шаҳар Олмазор тумани ҳокими ўринбосари Абдурасул Ваҳобовнинг «Kun.uz» сайти журналистларига қилган тажовузидан хабарингиз бор. Айни ҳолат шу кунларда Тошкент шаҳар прокуратураси томонидан ўрганилаётганидан ҳам воқифсиз.

«Xabar.uz» ўз манбалари орқали туман ҳоким ўринбосари фаолиятига оид муҳим нуқталарни аниқлади.

Ихтиёримиздаги ҳужжатларни гапиртирсак, Олмазор туман маъмурий судининг шу йил 18 апрелдаги қарори билан А.Ваҳобов Маъмурий Жавобгарлик тўғрисидаги Кодекснинг (МЖтК) 43-моддасида назарда тутилган ҳуқуқбузарликни содир этган деб топилиб, энг кам иш ҳақининг бир баробари (202 730 сўм) миқдорида жарима жазосига тортилган. Мазкур модда «Жисмоний ва юридик шахсларнинг мурожаатлари тўғрисидаги қонун ҳужжатларини бузиш» деб номланиб, унга кўра мансабдор энг кам иш ҳақининг бир бараваридан уч бараваригача миқдорда жарима жазосига тортилади.

Бу ўринда гап суднинг туман ҳокими ўринбосарига тайинлаган жазо миқдорида кетаётгани йўқ. Энг кам иш ҳақининг бир баробари миқдорида жарима солдими ёки уч баробари миқдоридами — айни пайтда аҳамиятсиз. Гап мансабдорнинг жисмоний ва юридик шахслар билан ишлашда қонун ҳужжатларини бузгани ва бу суд томонидан тасдиқланганида!

Бироқ тайинланган жазодан келиб чиқиб, суд мансабдорга нисбатан меҳрибонлик қилибди-ку, дейиш ҳам мумкин. Ва бунда мантиқ ҳам йўқ эмас.

Нега десангиз, А.Ваҳобов жавобгарликка тортилганидан 73 кун (!) ўтиб, уни яна маъмурий ҳуқуқбузарликка тортиш тўғрисида иккинчи (!) «дело» яна шу судга келиб тушади. Унда туман ҳокими ўринбосари яна МЖтК 43-моддасида кўрсатилган маъмурий ҳуқуқбузарликни содир этгани акс этади.

Олмазор туман маъмурий суди иккинчи мартасига ҳуқуқбузарнинг «белини чиқариб» юборгудай жаримага мустаҳиқ этгандир, десангиз адашасиз. Суд уни қайд этилган моддада назарда тутилган ҳуқуқбузарликни содир этганини эътироф этса-да, жазо тайинлашда, дарҳақиқат, меҳрибонлик қилган кўринади: огоҳлантириш билан ишни тугатади!

Шахсга нисбатан қўлланиладиган жазонинг ўзига хос тартиби мавжуд: енгилидан бошлаб оғирлик сари кетаверади. Энг енгили — огоҳлантириш. Муҳтарам А. Ваҳобовга келганда акси бўлганга ўхшайди: аввалига жарима, кейин огоҳлантириш!

Бунақаси кам учрайди. Нима дедингиз?

Бўлишинг:

Муҳаррир танлови

Тожикистонда двигатель ишдан чиққач, самолёт фавқулодда қўнди

“Точик Эйр” авиакомпаниясининг Хорогдан Душанбега бораётган АН-28 самолёти бир неча дақиқа парвоз қилгандан сўнг Тоғли Бадахшон муxтор вилоятининг маъмурий марказига қайтишга ...

Қозоғистондаги қабристонларнинг бирида кўрпага ўралган ўзбекистонлик аёл жасади топилди

Қозоғистоннинг Атирау вилояти ички ишлар департаменти бошлиғи Аян Дуйсембаев микрорайонлардан бирида аёл кишининг жасади топилганлигини маълум қилди. Бу ҳақда Sputnik хабар ...

Ўзбекистонда фермер ёки деҳқонларнинг кенгашга аъзолиги мажбурий этиб белгиланди

Ўзбекистон Республикасининг айрим қонун ҳужжатларига ўзгартиш ва қўшимчалар киритиш тўғрисидаги Қонун Президент томонидан имзоланди (2019 йил 4 апрель, ЎРҚ–533). Бу ҳақда ...