Ўзбекистоннинг Ростов-Дон шаҳридаги (Россия) Бош консулхонасига 2019 йилнинг 5 август куни Краснодар ўлкасининг Темрюк туманида йўл-транспорт ҳодисаси натижасида 6 нафар Ўзбекистон фуқароси жабрлангани тўғрисида расмий хабар келиб тушди, деб хабар беради ТИВ матбуот хизмати.
ЙТҲ оқибатида икки киши вафот этган, улардан бирининг шахси аниқланмоқда. Жароҳатланган Ўзбекистон фуқаролари касалхонага жойлаштирилди.
Бош консулхона томонидан мазкур вазият назоратга олиниб, консуллик-ҳуқуқий ва ташкилий масалаларини ҳал қилишда ёрдам кўрсатиш учун ҳуқуқни муҳофаза қилиш органлари ва тиббиёт муассасалари билан доимий алоқа ўрнатилган — дейилади хабарда.