2019 йилнинг биринчи ярим йиллиги якунлари бўйича Ўзбекистон Россиядан енгил автомобиллар импорт қилувчи давлатлар орасида биринчи ўринни эгаллади. Бу ҳақда «Автостат» таҳлилий агентлиги хабарига таяниб, Кун.уз” ёзмоқда.
2019 йилнинг 1-ярим йиллигида Россиядан 19,5 минг дона машина бошқа мамлакатларга экспорт қилинди. Бу ўтган йилнинг шу даврига нисбатан 37 фоизга кўпдир. Ушбу ҳажмнинг қарийб 70 фоизи тўртта давлат ҳиссасига тўғри келади. Бу йил етакчилик Ўзбекистонга тегишли бўлиб, ушбу мамлакатга 6,3 ой ичида 4,3 минг донага яқин Россия автомобиллари олиб келинган.
Таъкидланишича, Чехия рейтингнинг иккинчи поғонасидан жой олди (4 минг дона). Латвия кучли учликни (3 минг дона машина) якунлаб берган, унинг ортидан Озарбойжон 2,1 минг дона автомобиль билан келмоқда.