Шифокорларга тажовуз учун қонуний жавобгарликни кучайтириш лозим

Олий Мажлис Қонунчилик палатаси депутати Муҳаррам Дадахўжаева шу йил 21 август куни Андижон вилоят кўп тармоқли тиббиёт марказида юз берган ҳолат юзасидан ўз муносабатини билдирди. Бу ҳақда ЎзА ёзмоқда.

– Амалдаги жиноят қонунчилигида хизмат вазифасини бажариб турган тиббиёт ходимларига нисбатан тажовуз қилиш, уларга бу жараёнда тан жароҳати етказиш учун жавобгарлик чоралари нисбатан енгил. Оқибатда айбдор шахслар айрим ҳолларда қилмишига яраша жазоланмасдан қолиб кетмоқда.

Андижонда содир этилган ушбу воқеа тиббиёт ходимларининг нафақат соғлиғи, балки уларнинг ҳаётига нисбатан тажовуз, суиқасддир.

Шунинг учун мазкур ҳолатда Инобатхон Аҳмедованинг ўғли Файзуллонинг ҳаракатларига жиноят қонунида назарда тутилган қасддан одам ўлдиришга суиқасд қилиш жинояти сифатида баҳо бериш мақсадга мувофиқ бўлади.

Ҳеч ким ўзича бировни жазолашга, бировга нисбатан ўзича “ҳукм” чиқаришга ҳақли эмас. Агар бирор-бир ҳолатда шифокорнинг айби бўлса, унга нисбатан фақатгина қонунда белгиланган тартибда чора кўрилиши лозим.

Шифокорни нотўғри даволаганликда ёки бирор-бир беморнинг ўлимида айблашдан аввал унинг амалга оширган муолажалари, албатта, мутахассислар томонидан синчковлик билан ўрганилгандан сўнг бир тўхтамга келиниши керак.

Ҳа, албатта, тиббиёт соҳасида ҳам бошқа соҳалардаги каби муаммоларимиз етарли. Лекин шифокорларимизнинг меҳнати билан қанчадан қанча инсоннинг ҳаёти сақланиб қолинаётгани, қанчадан қанча бемор оғир хасталиклардан халос бўлаётганини ҳам унутмаслик зарур.

Бўлишинг:

Муҳаррир танлови

Москвада 6 нафар марказий осиёлик қурувчи тириклайин ёнди

Москвада содир бўлган ёнғин оқибатида 6 киши қурбон бўлди, бир киши омон қолди. Маълумотларга кўра, қурбонлар Марказий осиёлик меҳнат муҳожирларидир. Кузатувчилар қиш мавсуми ...

Фуқаролиги йўқ шахслар қачонгача ўгай ҳолда яшайди?

Ислом Каримов ўлгунича ўзининг коммунистик ғояларга қалбан содиқ эканини мамлакатда собиқ СССР фуқароларини сақлаш орқали намойиш қилди. Унинг бу каби тутуриқсиз, бетайин, ...

Дод солсангиз ҳам, йиғласангиз ҳам сизга ёрдам бера олмайман

Анча кунлардан бери электр таъминоти корхонасига фуқаролар келади. Ҳамма қарздор фуқарода ҳар куни пеня қўшилиб қарзи яна кўпайиб бормоқда. Бугун бир пенсионер аёл келди. ...


Warning: Missing argument 2 for _x(), called in /home/npzfqf3cbnqn/public_html/mulkdor.com/wp-content/themes/mulkdornew/inc/functions/theme_functions.php on line 1213 and defined in /home/npzfqf3cbnqn/public_html/mulkdor.com/wp-includes/l10n.php on line 399

Notice: Undefined variable: context in /home/npzfqf3cbnqn/public_html/mulkdor.com/wp-includes/l10n.php on line 400