Оскар учун ўзбек фильмларидан номзодлар саралаши бошланди

Ўзбекистон Оскар қўмитаси 1 октябрь куни нуфузли «Оскар» киномукофотининг «Энг яхши хорижий бадиий фильм» номинациясига ўз номзодини таклиф қилади. «Оскар»нинг 92-тақдирлаш маросими 2020 йил 9 февраль куни Лос-Анжелесда бўлиб ўтади.

Оскар қўмитаси дунёнинг 90 давлатини ўз ичига олади, энди уларнинг орасида Ўзбекистон ҳам бор. Бу қўмита Ёшлар иттифоқи ташаббуси билан тузилган ва АҚШ киноакадемиясида рўйхатдан ўтказилган.

Оскар қўмитаси сайтида Ўзбекистон миллий фильмларидан аризаларни қабул қилиш учун регламент эълон қилинган. Аризалар 27 августдан бошланади ва Тошкент шаҳар, Муқимий кўчаси, 8-уйда қабул қилинади (дам олиш ва байрам кунларидан ташқари).

12 сентябргача қўмита фильмларни намойиш қилиш бўйича кинематографларга консультациялар беради. Танланган кинолар 13-14 сентябрь куни кўриб чиқилади. 16 сентябрда эса номинацияга муносиб кўрилган битта фильм танланади.

Саралашда тўлиқ метражли бадиий фильмлар ва 40 дақиқадан кам бўлмаган хронометражлар қатнашади. Энг муҳими, кинофильм инглиз тилида бўлмаслиги керак.

Шунингдек, номзод фильм телевидение ёки интернетда эълон қилинмаган бўлиши, DVD сифатида тарқатилмаслиги талаб этилади. Кинотанловларда қатнашган картиналар инобатга олинади.

Фильм 2018 йил 1 октябрдан 2019 йил 30 сентябрга қадар прокатга чиқарилган бўлиши керак.

Манба:Хабар.уз

Бўлишинг:

Муҳаррир танлови

Коррупционерлар давлат ва жамият манфаатларига 1 триллион 665 миллиард сўмдан ортиқ зарар етказган

2019 йилнинг биринчи ярмида 661 нафар турли тоифадаги мансабдор шахсларга 590 жиноят иши қўзғатилган. Бу ҳақда Ўзбекистон Республикаси Бош прокуратурасида журналистлар учун ...

Жириновский оғир аҳволда касалхонага ётқизилди

Россиялик сиёсатчи Владимир Жириновский касалхонага ётқизилди, дея хабар беради ТАСС агентлиги. Россия Либерал-демократик партияси етакчиси Владимир Жириновский Москва ...

48 фоиз россиялик фақат озиқ овқат ва кийимга пул топа олади

Тахминан 48 фоиз россияликнинг иқтисодий ҳолати фақат озиқ-овқат ва кийим сотиб олишга етади. Уларга бошқа каттароқ нарсаларга нисбатан тўлоқ қобилияти йўқ. Бу ҳақда Росстат ...