Бошқа мавзуларЯнги ўқув йили яқинлашаверса, ёш боладай ҳаяжонга тушаман. Хотирамда ўқувчилик пайтларим уйғониб кетади. Болалик, ёшлик беғубор давр экан-да! Қўмсайверасан.
Кечаям болаликка қайтгандай бўлдим. Мактаблардаги тадбирлар, айниқса, Мустақиллик дарсларидан хурсанд бўлдим. Уларда таниқли кишилар, ижодкорлар, ҳатто ҳокимлар иштирок этгани ёшларга катта рағбат бўлди. (Айрим вилоят ҳокимлари буни шахсий ташаббуси билан қилмаган бўлсаям, барибир яхши иш бўлди).
Янги ўқув йили бошланиши билан мактабларнинг ўқишга ҳали тўлиқ тайёрмаслиги маълум бўлиб қолди. Кеча Президент спорт заллари ҳозирланмаганини танқид қилгани бунинг исботи.
Бу ҳам майлику-я, кўплаб мактабларда дарсликлар ҳали тўлиқ берилмагани, олтинчи синфлар учун китоблар октябрь ойининг охирига ваъда қилинаётгани чатоқ. Оқибатда айрим ота-оналар дарсликларнинг пдф форматини печатлаб беришга мажбур бўлишмоқда.
Халқ таълими вазири шунча пайт нима билан шуғулланди экан? Ё ҳозирги замонда билим олиш учун дарсликлар муҳим эмасми? Планшет орқали ҳам ўрганаверса керак-да!..
Манба:Холис фикр
