2020 йил 1 январдан қўшиқчилар, ҳа, ўша бирровга бориб, кўкида оладиганлар даромадидан солиқ тўлайди. Холис фикр каналининг манбасига кўра, ҳукумат даражасида бўлиб ўтган йиғилишда шу масала ҳам муҳокама қилинган.
Айтишларича, бу ташаббус тўйларни ихчамлаштириш таклифини илгари сураётган жамоатчилик кенгашлари томонидан чиққан. Улар тўй-тантаналарни дабдабасиз ўтказиш, чақирилган санъаткорларга берган хизмат ҳақи бўйича аниқ ҳисоб юритиш ва ундан солиқ олиш керак, дейишмоқда.
Шахсан, мен бу таклифни икки юз фоиз қўллаб-қувватлайман. Иккита қўшиқни жонлида айтолмайдиган яллачилар токай солиқ имтиёзларидан фойдаланади?! Улар ўзлари учун отни калласидай белгилаб олган хизмат ҳақини пасайтириш ҳақидаям жиддий ўйлаб кўриш керак, деб ёзади Холис фикр канали.