Ўзбекистон Республикаси Олий Мажлисида иқтисодий ва ижтимоий соҳаларда замонавий энергия тежайдиган технологияларни жорий этишга қаратилган қонун лойиҳаси тайёрланди, дея хабар беради ЎзА агентлиги.
Саноат, қурилиш ва савдо қўмитаси энергиядан оқилона фойдаланиш тўғрисидаги қонун лойиҳасини тайёрлади. Лойиҳани ишлаб чиқишда мавжуд ресурслардан фойдаланиш орқали энергия самарадорлигини оширишга эътибор қаратилди.
Шунингдек, қонун лойиҳаси энергия тежайдиган технологияларни кенг жорий этиш ва қайта тикланадиган энергия манбаларидан фойдаланиш бўйича қатор таклифларни илгари суради. Қонуннинг киритилиши муносабати билан турли соҳаларда энергия сарфини кескин камайтириш режалаштирилмоқда.
Шунингдек, Ўзбекистон Нукус ва Зарафшон шаҳарлари атрофида 100 ва 200 МВт қувватга эга иккита шамол электр станциясини қуришни режалаштирмоқда.