Қачонгача оддий маҳсулотларни импорт қиламиз?

Божхона хабарларини ўқиб ўтиргандим, бир рақам эътиборимни тортди. 2019 йилнинг ўтган 7 ойи давомида 74 минг донадан ортиқ канцелярия бўрлари импорт қилинибди. Оқибатда импорт ҳажми 13 фоиз ошиб, 34,7 минг АҚШ доллари сарфланган.

Қачонгача бу каби оддий аммо муҳим маҳсулотларни импорт қиламиз? Нега салкам 9700 та мактаб фаолият юритаётган мамлакатимизда бу ҳақда жиддий ўйлаб кўрилмаяпти? Ёки бўр ишлаб чиқариш ўта мураккаб жараёнми? Асло!

Шу йили Сурхондарёда тадбиркорлар муаммоларини ўрганиш мақсадида ўтказилган учрашувда бир отахон қанча ҳаракат қилмасин унга микрофон тегмади. Пухта тайёргарлик кўрган булбулигўёлар илиб кетаверди. Табиийки, бу камтарин одам муаммосини ҳам айта олмади.

Отахоннинг олдига секин бориб сўрасам, оилавий тадбиркор экан. Бўр ишлаб чиқариб, туман, вилоят мактабларига етказиб бераркан. Нима муаммо, сўрадим.

«Ер бермаяпти. Ноилож, яшаб турган уйимнинг бир хонасини бўшатиб, ишлашга мажбур бўляпмиз», дейди у. Қарич сиғмайдиган папкасидаги ҳужжатларга қарасам, ҳаммаси жойида. Тагига қистирилган расмларни кўриб, ачиниб кетдим…

Ўша учршувда Савдо-саноат палатаси раиси А. Икрамов бошчилигидаги масъуллар отахоннинг муаммосини ҳам рўйхатга киритиб, Бош вазир қабулхонаси томонидан ҳал этилишига ваъда беришди. Бироқ ер масаласи ҳал бўлдими ёки тадбиркорнинг папкасини семиртирадиган хатлар яна биттага кўпайдими, бунисини билолмадим.

Билганим шуки, янги ўқув йили учун Россияни қўя туринг, олис Финляндиядан ҳам бўр олиб келинибди.

 

Манба:Холис фикр

Бўлишинг:

Муҳаррир танлови

Тайлоқ туман ииб инспектори 60 минг доллар пора олганлиги сабаб узоқ муддатга қамоққа йўл олди

Жиноят ишлари бўйича Тайлоқ туман судида 60 минг доллар пора билан қўлга тушган Тайлоқ туман ИИБ инспекторининг жиноий ҳаракатлари юзасидан суд иши бўлиб ўтди. Бу ҳақда ...

Кенгаш керак. ўзбекистоннинг “буюк келажаги” ҳақида ўйлар

Янгиликдан хабарингиз борми? Мени Кенгашга таклиф қилишди. Шунчаки кенгашга эмас, «Buyuk kelajak» Халқаро эспертлар кенгашига. Унинг мақсади «Ўзбекистон Республикаси ...

Бош прокуратура:ўзбекистонда диндорларнинг «қора» рўйхати энди йўқ

Бош прокуратура халқ орасида авваллари "қора рўйхат" дея танилган рўйхат энди мавжуд эмаслигини таъкидлади.  Бу ҳақда Turon24 хабар берди. Фото: Turon24 "Ўзбекистонда диний ...