Санкт-Петербургда ўзбекистонликни ўлдиришга уринган икки киши қўлга олинди

Ўзбекистон Бош консулхонаси ОАВда тарқалган 17 сентябрга ўтар кечаси Санкт-Петербургда икки номаълум шахснинг Ўзбекистон фуқароси А.Т.га ўлдириш мақсадида ҳужум қилгани ҳақидаги хабарларни тасдиқлади. Бу ҳақда Ташқи ишлар вазирлиги матбуот хизмати хабар қилди.

Ҳужум қилганлар газ баллончалари ва пичоқ билан қуролланиб, А. Т.га пичоқ билан бир нечта тан жароҳатлари етказиб, сўнгра ҳодиса жойидан яширинган. Ўзбекистон фуқароси шифохонага ётқизилган, унинг аҳволи ўртача оғир деб баҳоланмоқда.

Санкт-Петербург Тергов бошқармаси 17 сентябрь куни икки нафар гумонланувчининг қўлга олинганини хабар қилди. Аввалроқ «Интерфакс» агентлиги уларнинг москвалик бўлгани, бири Бауман номидаги Москва давлат техника университети талабаси, иккинчиси эса ишсиз эканини маълум қилган эди. Тергов қўмитаси маълумотларига кўра, уларнинг ҳар иккиси ҳам айбини тан олгани йўқ ва кўрсатма беришдан бош тортишмоқда.

Россия Жиноят кодексининг 105-моддасида (миллий мотивлар билан қотилликка уриниш) кўзда тутилган жиноят аломатлари билан жиноят иши қўзғатилди.

Ўзбекистон Бош консулхонаси ҳодиса юзасидан ҳуқуқни муҳофаза қилиш органлари ҳамда жабрланувчи даволанаётган тиббиёт муассасаси билан алоқа ўрнатган.

Бўлишинг:

Муҳаррир танлови

Москвада ўзбекистонликлар ва қирғизистонликлар муштлашди – бир киши ҳалок бўлди

Ҳодиса Некрасовка туманидаги Вертолетчиклар кўчасида жойлашган уй қаршисида юз берган Москвадаги қурилиш объектларининг бирида Ўзбекистон ва Қирғизистон фуқаролари муштлашуви ...

Нью-йорк терракти: соипов масаласи ва ўрта осиёликлар

Жорий йилнинг 31 октябрида АҚШнинг Нью-Йорк шаҳрида ӯзбекистонлик 29 ёшли Сайфулло Соипов исмли фуқаро террорлик ҳаракатини содир этди. Воқеа тафсилотига кӯра Сайфулло оғир ...

Дилшод: пора бермагани учун ӯқишдан ҳайдалган талаба

Мамлакатимизда порахӯрлик, коррупцияга қарши дадил кураш кетаётган бӯлса-да, бу иллат жуда чуқур илдиз отганлиги туфайли уни бартараф этиш қийин кечаётир. Айниқса, таълим ...