Фарғонадаги мактабда 1-синф ўқувчиларига полда дарс ўтилмоқда

«Дарё» нашри Фарғона шаҳридаги 24-сонли умумтаълим мактабининг 1-синф ўқувчилари парталари йўқ синфда, полда ўтириб дарс ўтилаётгани тасвирланган суратни эълон қилди. Сурат муаллифининг таъкидлашича, Давлат тест маркази парталарни олиб кетгани сабаб болалар шу аҳволда таълим олишга мажбур бўлмоқда.

Ушбу ҳолатга ўқувчилардан бирининг онаси — Нафиса Сотволдиева исмли аёл гувоҳ бўлиб қолган.

«Ҳозиргина ўқитувчини табриклагани кириб, асабим бузилди. Нима эмиш, парталар Давлат тест марказиники эмиш. Тест тугагунча шу ҳолда дарс ўтиришар экан. Дарс жараёнини суратга олиб чиқдим», — дея маълум қилади ҳодиса гувоҳи.

Маълум бўлишича, мактабда 400 та парта йўқлиги сабаб, шунча болани полга ўтирғизиб дарс ўтилмоқда. Бу ҳолат кейинги ҳафтанинг душанба кунигача давом этиши айтилган.

«24-сонли ихтисослаштирилган рус мактаби 2017—2018 йилларда қайта реконструкциядан чиқарилиб, янги жиҳозланиши керак эди. Лекин 2018 йилда ҳам болалар эски парталарда ўтиришган. Жуда кўп мурожаатларимдан сўнг, мактабимиз 2019 йилда янги парталар билан таъминланди. Бугун Давлат тест марказида тест синовлари бўлаётгани сабаб 400 та партани олиб чиқиб кетишибди. Парталар йўқлиги ҳақида ўқитувчиларнинг ҳам, директорнинг ҳам, ҳатто ‘ГорОНО’нинг ҳам хабари бор. Аммо парталар Давлат тест марказиники бўлганлиги сабаб улар ҳеч нима қила олишмайди. Партаси йўқ синфхоналарида тушликдан кейин 2-синфлар ўқийди»,— дейди Нафиса Сотиболдиева.

Сентябрь ойининг бошида Навоий вилояти Зарафшон шаҳридаги 2-мактабнинг бошланғич синфларига парталари йўқ хонада дарс ўтилаётгани тасвирланган сурат тарқалган эди. Навоий вилояти ҳокимлиги ушбу сурат 4-синф ўқувчилари дарс ўтмаётгани, балки китобларини олишга келганини билдириб, раддия берганди.

Бўлишинг:

Муҳаррир танлови

Йил бошидан буён ўзбекистонда 8 минг оила ажрашди

2019 йилнинг январь-март ойларида ФҲДЁ органлари томонидан 8,0 мингта никоҳдан ажралишлар қайд этилган бўлиб, мос равишда 1000 аҳолига нисбатан никоҳдан ажралиш коэффициенти ...

Твда танқид қилинган ўқувчиларнинг ота-оналари лавҳа муаллифларини судга бермоқчи

"Ўзбекистон 24" каналида эфирга узатилган кўрсатувда танқид қилинган Тошкент шаҳридаги 110-мактабнинг директори юз берган ҳолат бўйича Халқ таълими вазирлигига шикоят ...

Бир йигит ҳикояси: “коррупция – ҳаётимни жар ёқасига келтириб қўйган эди…”

Фото: PolitRussia Юрган – дарё, дейдилар. Сафарга чиққанингизда турфа воқеаларга, турли феъл-атвордаги кишиларга дуч келасиз, бирини кўриб фикр қилсангиз, бирини кўриб шукр ...


Warning: Missing argument 2 for _x(), called in /home/npzfqf3cbnqn/public_html/mulkdor.com/wp-content/themes/mulkdornew/inc/functions/theme_functions.php on line 1213 and defined in /home/npzfqf3cbnqn/public_html/mulkdor.com/wp-includes/l10n.php on line 399

Notice: Undefined variable: context in /home/npzfqf3cbnqn/public_html/mulkdor.com/wp-includes/l10n.php on line 400