Намангандаги Истиқлол боғида 18 ёшли қиз аттракционда жароҳатланиб вафот этди

Намангандаги кўнгилочар истироҳат боғида 18 ёшли қиз аттракционда олган тан жароҳати туфайли вафот этди.

Бош прокуратуранинг маълум қилишича, воқеа 30 сентябрь куни соат 15:40 ларда содир бўлган. Истироҳат боғида қурилиши тўлиқ битказилмаган «Spin block» аттракционида тест синови ўтказилаётган бўлган. Элья Халикова синов тариқасида ҳаракатлантирилаётган аттракционга рухсатсиз чиқиб олган.

Сўнг ўзининг эҳтиётсизлиги оқибатида ушбу аттракционнинг темир труба қисмига урилиши натижасида олган тан жароҳати туфайли воқеа жойида вафот этган.

Мазкур ҳолат юзасидан Наманган шаҳар прокуратураси томонидан ўтказилган терговга қадар текширув ҳаракатларида Элья Халикова «Наманган Истиқлол боғи» МЧЖга қарашли бўлган кўнгилочар боғида 2019 йилнинг 1 августидан бери қутқарувчи вазифасида ишлаб келганлиги ва унинг асосий иш жойи кўнгилочар боғда жойлашган «аква парк» сув ҳавзасида бўлганлиги аниқланган.

Ҳозирда мазкур ҳолат юзасидан Наманган шаҳар прокуратураси томонидан судга оид тиббий экспертиза тайинланиб, терговга қадар текширув ҳаракатлари олиб борилмоқда.

Бўлишинг:

Муҳаррир танлови

Қиш қайғуси: қайнота-келин бир хонада ётса…

Узоқ йили машҳур олимлардан бирига шундай савол йўлланган эди:   «Баъзан барча оила аъзоларимиз — мен, хотиним, фарзандларим ва ота-онам бир хонада ётишга тўғри келади. ...

Ўзбекистонда пластик карталарга хизмат кўрсатувчи uzcard тизими яна ишламай қолди

Ўзбекистонда мавжуд барча пластик карталарга хизмат кўрсатувчи ягона тизим - UzCard яна ишдан чиқди. Бу ҳақда “Озодлик радиоси” маълум қилди. Мижозлар 5 октябрь куни соат ...

Тошкентда эркакнинг куйган ҳолдаги жасади топилди

15 май куни Яккасарой туманида жойлашган уйда ёнғин содир бўлган. Ҳодиса натижасида бир киши вафот этган. Ёнғин Заки Валиди кўчасида жойлашган 34-уйда содир бўлган. Ёнғинни ...