Миришкор ҳокими неваралари билан думбул ўғирлаган эркакни тутиб олиб, ҳақоратлади

Ижтимоий тармоқларда Қашқадарё вилоятининг Миришкор тумани ҳокими Равшан Комилов неваралари билан бегона даладан думбул терган ҳақоратлаб, ўғирликда айблаётгани акс этган видеоёзув тарқалди. Туман маъмурияти раҳбари ушбу жараённи ўзи видеога олган.

«Невараларингни ҳам ўғирликка ўргатяпсанми? Нима „хай“? Нима „ҳоким-бува“? Нима „ҳоким-бува“? Нимага ўғирлаяпсан? Уялмайсанми, оғайни? Бечора бир тадбиркор экди, экспортини қилади. Туманнинг экспорти шунинг бўйнида ётибди. Сен олиб кетсанг тўртта, у олиб кетса тўртта. Мен ***** қўяманми экспортга? Нима „неваралар“? Э падарингга лаънат! Ол буни! Э уятсиз! Виждонинг чирисин сени. Очкўз. Падарингга лаънат. Очингдан ўл ундан кўра. ***** сотиб ол!», — дейди ҳоким.

Қашқадарё вилояти прокуратураси мазкур ҳолат юзасидан текширув бошлади. Чоршанба куни кечқурун ҳоким видеомурожаат эълон қилди. Унда ҳоким аввалига «туманимизнинг экспорт салоҳияти ҳақида мен қайғурмасам, ким қайғуради? Ҳоким сифатида мен буни ҳам ўйлашим керак, тадбиркорни ҳам ўйлашим керак», деб, сўнгра кечирим сўрайди.

«Тўғри, инсон сифатида, жаҳл устида фуқарога нисбатан ҳақорат сўзини ишлатиб қўйдим. Ҳоким сифатида, раҳбар сифатида бу сўзни ишлатмаслигим керак эди. Шунинг учун халқимиздан қўлимни кўксимга қўйиб узримни сўрайман. Бу хато-камчилигимни бошқа қайтармайман, деб ваъда бераман», — дейди у.

Манба:«Газета.uz»

 

Бўлишинг:

Муҳаррир танлови

Қўқоннинг саланг бозорида хижоб дўконлари мухрланмоқда

"Саланг улгуржи-чакана савдо бозори"(Қўқон Оптом бозори)да соқол ва хижоб учун очиқ кураш бошланди. Бу ҳақда фейсбук фойдаланувчиларидан бири ўз саҳифасида ёзмоқда. Унинг ...

“гугурт қутисичалик шпаргалка-китобчалар кўрдим сотувда”

  "Мен Фарғонадан абитуриентман. Бугун Фарғона шаҳар марказидаги "Мукаммал Нигоҳ" савдо марказига киргандим. Китоблар ичида бир кичик коробкани кўрдим. Жуда ҳам хафа ...

Гулзамон акбар: бизга интернетнинг тезлиги зарур

 21 –аср ўзининг энг янги, ўта шов –шувли ихтиролари, технологиялари  билан ҳали, унчалик кўзга ташланиб улгурмади. Бизнинг ҳар қалай, унчалик  ўта муҳим янгиликлар кўзимизга ...