Танзила Норбоева: Айрим ҳудудларда дарахт ва буталарнинг ноқонуний ва аёвсиз кесилаётгани мутлақо тушунарсиз

Ўзбекистонда экологияга оид қонун бузилиши ҳоллари давом этмоқда. Бу ҳақда Олий Мажлис Сенати раиси Танзила Норбоева Сенатнинг XXIII ялпи мажлисида айтиб ўтди, дея хабар бермоқда «Дарё» нашри.

Танзила Норбоеванинг маълум қилишича, Ўзбекистон экологик муаммолардан жабр кўрган мамлакат сифатида жаҳон ҳамжамияти эътиборини Оролбўйи минтақаси масаласига қаратиб келмоқда.

«Бирлашган Миллатлар Ташкилоти Президентнинг ташаббусларини қўллаб-қувватлаб, Оролбўйи минтақаси учун инсон хавфсизлиги бўйича кўп томонлама шериклик асосида «Траст» фондини ташкил этиш тўғрисида қарор қабул қилди. Ўз навбатида, мамлакатимиз Иқлим ўзгариши тўғрисидаги Париж Битимини ратификация қилди. Шуни ҳам қайд этиш жоизки, яқин икки йилда биргина Оролбўйи ҳудудида ижтимоий-иқтисодий ислоҳотларни самарали рўёбга чиқариш мақсадида 1,5 миллиард долларлик 800 га яқин лойиҳани амалга ошириш кўзда тутилган» — деди Норбоева.

Сенат раисининг қўшимча қилишича, шунча амалий саъй-ҳаракатларга қарамасдан, мамлакатимизда экологияга оид қонун бузилиши ҳоллари давом этаётгани ачинарли ҳол.

«Айниқса, катта маблағ ва бошқа ресурслар эвазига саҳрога айланган Орол денгизи ҳудудида турли дарахтлар экилаётган бир шароитда айрим ҳудудларда дарахт ва буталарни ноқонуний ва аёвсиз кесиш ҳолларининг рўй бераётгани мутлақо тушунарсиздир. Шу боис кейинги пайтларда ижтимоий тармоқларда ва турли тадбирларда жамоатчилик муҳокамасига, кўпчиликнинг эътирозига сабаб бўлаётган дарахт ва буталарни кесишдаги қонун талабларидан четга чиқиш ҳолатлари билан боғлиқ масаланинг бугунги ялпи мажлис муҳокамасига қўйилгани, ўйлайманки, ғоят муҳим аҳамиятга эга» — деди Танзила Норбоева.

Бўлишинг:

Муҳаррир танлови

Андижонлик йигит тошкентдаги қурилаётган уйнинг 2-қаватдан йиқилиб вафот этди

Андижон вилояти Избоскан туманидан бўлган Б.О., Тошкент шаҳар, Учтепа туманида жойлашган янги қурилаётган кўп қаватли уйнинг қурилиш ишларига оғзаки келишув асосида жалб ...

Ўзбекистондаги музей ва археологик ёдгорликлар ёнига ҳожатхоналар қурилади

Ўзбекистон Вазирлар Маҳкамаси 21 сентябрь куни археологик тадқиқотларни тубдан такомиллаштириш тўғрисидаги қарорни қабул қилди, дея хабар бермоқда Адлия вазирлигининг ...

Қўқонда уч киши ис газидан заҳарланиб вафот этди

28 октябрь куни Фарғона вилоятининг Қўқон шаҳри Туркистон кўчасидаги кўп қаватли уйлардан бирида яшаб келаётган уч кишилик оила ис газидан заҳарланиб вафот этди. Бу ҳақда ...


Warning: Missing argument 2 for _x(), called in /home/npzfqf3cbnqn/public_html/mulkdor.com/wp-content/themes/mulkdornew/inc/functions/theme_functions.php on line 1213 and defined in /home/npzfqf3cbnqn/public_html/mulkdor.com/wp-includes/l10n.php on line 399

Notice: Undefined variable: context in /home/npzfqf3cbnqn/public_html/mulkdor.com/wp-includes/l10n.php on line 400