Одамларнинг электр учун тўлаган пуллари қаерга ғойиб бўлмоқда?

Тўғриси, электр ҳисоблагичлар алмаштирилиши ортиқча даҳмаза бўлди. Аввалига Юнусобод туманида синаб кўрилган бу онлайн ҳисоблагичлар ҳақида бирор кишининг ижобий фикр айтганини эшитмадим. Шундай бўлсаям, барибир бошқа туманларда шитоб билан ўрнатилмоқда.

Аксарият хонадон соҳиблари уни электрни нотўғри ҳисоблайди, деган фикрда. Яқинда уйимга шундай ҳисоблагич ўрнатиб кетишгач, бир ҳафта ичида бу гапларда жон борлигига ишонч ҳосил қилдим.

Майли, бу ўта баҳсли масала. Қанча тортишмайлик, «электросет»дагилар барибир ҳақ бўлиб чиқади. Чунки улар оғзимга Юнусободда ўтказилган тажрибани уришини яхши биламан. Бироқ одамларнинг электр учун олдиндан тўлаб қўйган пуллари ғойиб бўлаётганига тоқат қилиш қийин.

Бугун «электросет» худди асаларининг уясига ўхшайди. Хизмат кўрсатиш ойналарининг барчасида турнақатор навбат. Мурожаатчиларнинг қай бири гаплашманг, янги ҳисоблагич ортидан келиб чиққан муаммони ҳал қилиш учун келганини айтади.

Аксарият хонадонларда олдиндан ўртача 200-300 кВт, баъзилари 500-1000 кВт токка тўлаб қўйган пуллари янги ҳисобалагич шарофати йўқолиб, қарздорга айланиб қолишмоқда. Менам шулардан бириман.

Оломон ичидан хизмат кўрсатиладиган ойнага етиб келиш осон бўлмади. Энди навбат келганда, қўпол бўлсаям айтаман, ҳисобчи аёл ҳожатга бориб келаман, деб ярим соат қорасини кўрсатмади…

«Қарздорсиз» дейди ҳисобчи компьютердан кўз узмай. Қанақасига? Мана, эски ҳисоблагичдаги кўрсаткич, уни ходимингиз ечиб, ўзи ёзиб берган. Стандартдан ўтказилганига эса бир йил ҳам бўлгани йўқ. Мана, сертификати. Текшириб кўринг, дейман мен.

Шундан сўнг у ҳисоблагич ўрнатилган йилдан бошлаб тўловлар тарихини текширади. Ва яна ўша гапини қайтаради. «Биздаги кўрсаткич бўйича ҚАРЗДОРСИЗ».

Мен ҳам паст кетмай, олдига тўрт йиллик тўлов патталарини отвордим(Яхшиямки, банк орқали тўлаган эканман). Ҳисобчи уларни компьютердаги рақамлар билан таққослаб бўлгач, чуқур хўрсиниб, «қарз эмаскансиз», деди ниҳоят.

Аммо бу билан ишим битмади. У кадастр ҳужжатим, паспортим, ечилган ҳисоблагич ва барча тўлов патталарини олиб, МИБга боришимни айтди. Компьютердаги фарқни фақат улар тўғрилаб беришармиш.

МИБдаям «электросет»даги ҳангома такрорланди. Фарқли томони, улар ҳисоблагични текшириб кўришди, суратга олишди. Бу жараёнларни кузатиб «борай», деб қўл силтаб кетмоқчи ҳам бўлдим.

Ҳаммаси жойида эканлигига ишонч ҳосил қилган МИБчилар ўн кундан кейин келиб, актни олиб кетишимни айтди.

Мана, сизга онлайн ҳисоблагичнинг ғалваси. Билмадим, яна қанча давом этаркан?!

Манба:Холис фикр

Бўлишинг:

Муҳаррир танлови

Пайариқ шаҳрида “аллоҳ” деган ёзуви бор қўзичоқ туғилди

Пайариқ шаҳридаги “Мустақиллик” МФЙда яшовчи Суннат Мардонов хонадонида қўзичоқ туғилди , деб ёзади «Zarnews».   Фото:«Zarnews» Унинг бир томонида “Аллоҳ” деб ёзилган. Туман ...

Ўзбекистонда мобил интернет нархи қирғизистонга нисбатан 15 баробар қиммат

Ўзбекистон мобил интернет арзонлиги бўйича дунёда 69-ўринни эгаллади. Бу ҳақда 230 мамлакатда мобил хизматлар нархи баҳоланадиган Worldwide mobile data pricing  рейтинги ...

Назарбоевнинг қизи ва куёви – forbes версияси бўйича бадавлат қозоғистонликлардир

Қозоғистон президентининг ўртанча қизи Динара Кулибаева ва унинг эри Тимур Кулибаев Американиннг Forbes журнали томонидан эълон қилинган миллиардерлар рўйхатида 194 та ...


Warning: Missing argument 2 for _x(), called in /home/npzfqf3cbnqn/public_html/mulkdor.com/wp-content/themes/mulkdornew/inc/functions/theme_functions.php on line 1213 and defined in /home/npzfqf3cbnqn/public_html/mulkdor.com/wp-includes/l10n.php on line 399

Notice: Undefined variable: context in /home/npzfqf3cbnqn/public_html/mulkdor.com/wp-includes/l10n.php on line 400