Бошқирдистонда 13 ёшли қизни зўрлаганликда гумонланиб Ўзбекистон фуқароси қўлга олинди

Бошқирдистонда Ўзбекистон фуқароси 13 ёшли мактаб ўқувчисини зўрлаганликда айбланмоқда. Бу ҳақда SterlitamakTime.Ru хабарига таяниб “Дарё” ёзмоқда.

Хабарда айтилишича, фуқаро 7-синф ўқувчисини уйининг подъездида зўрлаган. Қиз бўлиб ўтган воқеани бувисига айтган, у эса полицияга мурожаат қилган. Орадан бир неча соат ўтиб гумондор қўлга олинган. У 32 ёшли Ўзбекистон фуқароси эканлиги айтилмоқда.

Қўлга олинган шахс Бошқирдистонда 15 ноябргача қолиши мумкин бўлган, лекин энди узоқроқ қолишга мажбур бўлади. Унга нисбатан жиноий иш қўзғатилган.