Бош прокуратура ҳузуридаги Департаментнинг Ширин шаҳар бўлими томонидан ўтказилган терговга қадар текширувда, “I.M.Q.” МЧЖ раҳбари А.Қ. ва бошқалар шартномага асосан Ширин шаҳрида уй-жойларни қуриш учун буюртмачи томонидан молиялаштирилган 1,4 млрд. сўм пул маблағларидан 426,9 млн. сўмини амалда бажарилмаган қурилиш ишларини далолатномаларга қўшиб ёзиш орқали талон-торож қилинганликлари аниқланган. Бу ҳақда Бош прокуратура матбуот хизмати хабар берди.
Мазкур ҳолат юзасидан А.Қ. ва бошқаларга нисбатан ЖКнинг 167 ва 228-моддалари билан жиноят иши қўзғатилиб, тергов ҳаракатлари ўтказилмоқда.