Оқдарё тумани собиқ ҳокими Самарқанд вилоят ҳокимининг ўринбосари бўлди

Халқ депутатлари Самарқанд вилояти Кенгашининг навбатдан ташқари сессиясида яна бир лавозим ўзгариши тасдиқланди.

Вилоят ҳокимлиги ахборот хизматининг Kun.uz’га маълум қилишича, пенсия ёшига тўлганлиги боис вилоят ҳокимининг қишлоқ ва сув хўжалиги масалалари бўйича ўринбосари Абдумажид Алибекович Нурқулов ўз лавозимидан озод этилиб, вилоят ҳокимининг қишлоқ ва сув хўжалиги масалалари бўйича маслаҳатчиси лавозимига ўтказилди.

Абдумажид Нурқулов ва Абилов Феруз

Шу кунга қадар Оқдарё тумани ҳокими вазифасида фаолият олиб борган Абилов Феруз Неъматуллаевич вилоят ҳокимининг қишлоқ ва сув хўжалиги масалалари бўйича ўринбосари лавозимига тайинланди.

Ушбу ўзгаришлар айни пайтда вилоят ҳокимлигида ўтказилаётган халқ депутатлари Самарқанд вилояти Кенгашининг навбатдан ташқари сессиясида депутатлар томонидан тасдиқланди.

Аввалроқ, Оқдарё туманида ўтказилган халқ депутатлари туман Кенгашининг навбатдан ташқари сессиясида Нажмиддин Сулаймонов Оқдарё тумани ҳоким этиб тасдиқланган эди. Бугуннинг ўзида Жомбой туманига ҳам Қаюм Собиров ҳоким этиб тасдиқланган эди.

https://kun.uz/news/2020/04/18/oqdaryo-tumani-sobiq-hokimi-samarqand-viloyat-hokimining-orinbosari-boldi

Бўлишинг:

Муҳаррир танлови

Ўзбекистонда партиялар туссиз, бир-бирига ўхшаш бюрократик идоралар бўлиб қолган

Анча йиллар олдин, бакалаврни битиргандан кейинги илк йилларда бошим айланиб “Миллий тикланиш” партиясига иш қидириб бориб қолгандим. Бир кунлик амалиётдан сўнг мени марказий ...

Видео: жиззахда милиция зобити нотаниш аёлга нисбатан куч ишлатмоқда

ВИДЕО: Жиззахда милиция зобити аëлнинг сочини юлди 0:00:58 0:00:29/0:00:58 ▶ Бевосита линк Озодлик муштарийси томонидан юборилган видеотасвирда шахси аниқланмаган милиция ...

Ўзбекистон томчилатиб суғориш технологиясига ўтишни режалаштирмоқда

2030 йилгача Ўзбекистонда суғориладиган ерларнинг 50 фоизини томчилатиб суғориш технологиясига ўтказиш режалаштирилмоқда, деб ёзади Kun.uz нашри. Таъкидланишича, ҳозирги ...