Коронавирус хавфи: Постларда нега қуролланган ҳарбийлар турибди?

Коронавирус хавфи: Постларда нега қуролланган ҳарбийлар турибди?

Ўзбекистонда коронавирусга қарши чора-тадбирлар доирасида қатор шаҳарлар ёпилиб, назорат постлари ўрнатилди. Уларга қўриқлаш учун қуролли ҳарбийлар жойлаштирилди.

Постларда қуролли аскарларнинг туриши аҳоли орасида ваҳимага сабаб бўлиб, “бизда уруш бўлмаяптику, нега постларда қуролланган ҳарбийлар туришибди?” деган саволлар пайдо бўлди.

Бу саволга Ички ишлар вазирлиги Матбуот котиби Шоҳруҳ Ғиёсов жавоб берди.

“Ушбу зарурат, республикамиз ҳудудида коронавирус пандемияси тарқалиши билан боғлиқ вазиятда аввало, аҳолининг санитария-эпидемиологик осойишталигини таъминлаш ва мазкур касалликнинг мамлакатимиз бўйлаб кенг тарқалиб кетишини олдини олиш ҳамда назоратдан чиқмасликни таъминлаш мақсадида белгиланган чора-тадбирлардан биридир.

Бу ҳолатни нормал қабул қилишни ҳамда белгиланган тартиб-қоидаларга тўлиқ риоя этган ҳолда, ўзингиз ва оилангиз хавфсизлиги нуқтаи назаридан ёндашишингизни маслаҳат берган бўлардик”, деди Ғиёсов.

Аввалроқ, Ўзбекистонга коронавирус инфекциясини кириб келиши ва тарқалишини олдини олиш юзасидан чора-тадбирлар дастурини тайёрлаш бўйича Республика махсус комиссияси қарорига мувофиқ кучайтирилган карантин чоралари 10 майга қадар узайтирилгани ҳақида хабар берган эдик.

Эслатиб ўтамиз, Ўзбекистонда коронавирусни юқтириб олиш билан боғлиқ илк ҳолат жорий йилнинг 15 март куни қайд этилган эди. Айни вақтгача коронавирус юқтирганлар сони 1565 нафарга етди. Бугунгача касалланганларнинг 225  нафари даволанган, 5 нафари вафот этган.

Қадрли юртдошлар, карантин даврида зарурат бўлмаса, кўчага чиқманг. Вақтни оилангиз, фарзандларингиз даврасида ўтказинг. Унутманг,  #UydaHayotBor

Суннатилла Абдуллаев

 

https://qalampir.uz/news/koronavirus-khavfi-postlarda-nega-k-urollangan-%D2%B3arbiylar-turibdi-17870

Бўлишинг:

Муҳаррир танлови

Бош прокуратуранинг ёлғон ахбороти

(Прокуратуранинг ёлғон гапи) Фуқаро Р.Ходжаевнинг Интернет тармоқларида тарқалган видеомурожаати юзасидан қуйидаги Прокуратуранинг тўқима ахборотлари маълум қилинади. ...

15 августдан газ ва электр энергияси тарифлари оширилади

15 августдан Ўзбекистонда табиий ва суюлтирилган газ, шунингдек электр энергияси тарифлари оширилади. Ёқилғи-энергетика ресурслари нарх ва тарифларига киритилган ўзгартишлар ...

Дрон аппаратларини ўзбекистонга олиб кирган ёки улардан фойдаланган киши уч йилгача қамалади

Ўзбекистон Республикасининг Жиноят, Жиноят-процессуал кодексларига ҳамда Ўзбекистон Республикасининг Маъмурий жавобгарлик тўғрисидаги кодексига ўзгартириш ва қўшимчалар ...