Украина ҳукумати Саакашвили номзодини ислоҳотлар бўйича бош вазир ўринбосарлигига тасдиқламади

Украина ҳукумати Саакашвили номзодини ислоҳотлар бўйича бош вазир ўринбосарлигига тасдиқламади
Фото: DW
Украина Вазирлар маҳкамаси Олий Раданинг Грузия собиқ президент Михаил Саакашвилини ислоҳотлар бўйича бош вазир ўринбосарлигига номзод сифатида берган таклифини рад қилди. Бу ҳақда «РБК»га таяниб Дарё хабар берди.

Саакашвили номзодининг рад қилингани ҳақида «Цензор.нет» нашри бош муҳаррири Юрий Бутусов маълумот берган. Унинг сўзларига кўра «Халқ хизматчиси» фракцияси Саакашвили номзодини ушбу лавозимга тавсия этиш учун депутатларнинг етарли даражадаги овозини тўплай олмаган.

«Украинская правда» нашри Саакашвили энди президент Владимир Зеленскийнинг маслаҳатчисига айланиши мумкинлигини ёзмоқда.
22 апрелда Михаил Саакашвили Владимир Зеленскийнинг унга бош вазир ўринбосари лавозимини таклиф қилганини билдирган. Олий Рада ушбу тайинловни 24 апрелда амалга ошириши кутилганди.

Михаил Саакашвили 2015 – 2016 йилларда Украинанинг Одесса вилояти маъмуриятини бошқарган. 2017 йилда ўша вақтдаги Украина президенти Пётр Порошенко билан низо туфайли Саакашвили мамлакат фуқаролигидан маҳрум қилинганди. 2019 йилда Владимир Зеленский Украина президентлиги учун сайловларда ғалаба қозонгач, Саакашвилига мамлакат фуқаролиги қайтариб берилди.

Саакашвили Украина ҳукумати

Бўлишинг:

Муҳаррир танлови

Уч асрни кўрган она: замонлар, давронлар, султонлар алмашди кўзим ўнгида

 Фотима эна Мирзоқулова уч аср – XIX, XX ва XXI юз йилликлар ҳамда уч тарихий давр – пошшолик, социализм ва мустақилликда, уч давлат – Рус империяси ҳукмронлиги пайтида ...

Украинада ўзбекистонлик ёлланма жангчи отиб ўлдирилди

3 июль куни, Украина шарқида давом этаётган қуролли тўқнашувлар давомида, «Донецк халқ республикаси» («ДХР») ҳарбийлари сафида жанг қилган ўзбекистонлик эркак ўлдирилди, деб ...

Германия ўзбекистонга тиббиётни ривожлантириш учун 120 млн евродан кўпроқ маблағ ажратади 

Германия президенти Франк-Вальтер Штайнмайер Ўзбекистонга 2 кунлик ташрифи давомида Ўзбекистон ҳукуматини ислоҳотлар йўлини давом эттиришга чақирди. Бу ҳақда DW немис нашрига ...