Давлатлар Хитойдан берган қарзларидан кечишни сўрай бошлади

Охирги 10 йилликнинг энг йирик давлат қарзлари авантюраси – Хитойнинг “Бир макон, бир йўл” ташаббуси доирасида кредит олган давлатлар Пекиндан қарзларини кечишни сўраб мурожаат қилишни бошлаган.

Financial Times хитойлик амалдорлар ва банкирлардан иқтибос келтириб, бундай сўровлар тобора кўпайиб бораётганини эътироф этган. Хитой Эксимбанки билан бир қаторда “Бир макон, бир йўл” лойиҳаларига 100 миллиардлаб доллар кредит ажратган “сиёсий банк” – Хитой тараққиёт банки вакилининг айтишича, Хитой қарзларидан кечишини кутмаслик керак, фақат баъзи ҳолларда фоизлардан кечилиши ва кредитни қоплаш миқдори камайтирилиши мумкин.

“Бир макон, бир йўл” ташаббуси доирасида 2013 йилдан буён 461 миллиард доллардан ортиқ кредит ажратилиши эълон қилинган (айнан қанчаси ажратилгани маълум эмас, лекин кам қисми дея баҳоланади) – бу дунёдаги энг йирик “тараққиёт дастури” ҳисобланади.

Ташаббусга расман қўшилган 138 давлатнинг аксарияти ривожланаётган давлатлар бўлиб, улардан кўплари дунёдаги энг паст кредит рейтингига эга мамлакатлардир (суратда – энг кўп қарз олган давлатлар ва уларнинг риск даражаси).  Иқтисодий инқироз даврида бундай давлатларнинг кредитни тўлаш қобилияти янада ортга кетади.

Хитой шу пайтгача қарзини тўлай олмаган давлатлардан қатор стратегик объектлар – масалан Африка давлатларидаги аэропортлар, денгиз портлари, конларни олиб қўйиш орқали қарзларни ёпишга келишган эди. Ҳозир эса кучли халқаро босим билан кўп миқдорда фоизлардан ва оз миқдорда қарзларнинг ўзидан ҳам кечиши мумкин.

 

Бўлишинг:

Муҳаррир танлови

100 мингдан ортиқ одам грознийдаги ака-ука гейларни ҳимоя қилишда ақшдан ёрдам сўради

Ўтган йили Нижний Новгородда ўғирланиб, Грознийга олиб кетилган икки чечен ака-ука Салеҳ Магамадов ва Исмаил Исаевларни ҳимоя қилиб, 100 мингдан ортиқ одам онлайн петицияни ...

Зулм дарахтининг баргига эмас илдизига болта уриш керак

Сўнги бир неча кун ичида ижтимоий тармоқда фаол бўлган диний фаолларнинг ҳибсга олиниши баъзи мулоҳазаларни билдиришга мажбур қилди. Иккита масалани гапирмоқчиман.  ...

2018 йилда 21 минг ўзбекистонлик россия фуқаролиги олган

Жорий йилнинг январидан августига қадар 221,1 минг хорижликка Россия фуқаролиги берилди. Бу ҳақда Россия Федерациясининг инсон ҳуқуқлари бўйича вакили Татьяна ...


Warning: Missing argument 2 for _x(), called in /home/npzfqf3cbnqn/public_html/mulkdor.com/wp-content/themes/mulkdornew/inc/functions/theme_functions.php on line 1213 and defined in /home/npzfqf3cbnqn/public_html/mulkdor.com/wp-includes/l10n.php on line 399

Notice: Undefined variable: context in /home/npzfqf3cbnqn/public_html/mulkdor.com/wp-includes/l10n.php on line 400