АҚШ вице-президенти ўзини Трампдан изоляциялашга қарор қилди

АҚШ вице-президенти Майкл Пенс қўл остидаги ходимлардан бири коронавирусга чалингани маълум бўлгач, президент Дональд Трамп билан учрашмай туришга қарор қилди.

Фото: AP Photo/Robert F. Bukaty

Бу ҳақда Оқ уй матбуот котиби Кейли Макинани маълум қилди.

“Вице-президент бир неча кун Трампга яқинлашмай туришга қарор қилди. Бунинг унинг шахсий қарори”, деб айтган Макинани.

9 май куни Трамп Пенснинг матбуот котиби Кэти Миллер коронавирусга чалинганини маълум қилганди. Унинг таъкидлашича, Миллернинг 7 майда топширган тести манфий, бироқ 8 майдагиси мусбат чиққан.

АҚШ президентининг айтишича, у Миллер билан бевосита алоқада бўлмаган, бироқ Миллер Пенс билан, вице-президент эса ўз навбатида президент билан мулоқот қилган.

Кейинроқ Пенснинг расмий вакили Девин О’Мэлли вице-президент матбуот котибида коронавирус аниқлангандан кейин карантинга кетмаганини маълум қилган.

“Вице-президент Оқ уй тиббий хизмати тавсияларига амал қилмоқда ва карантинга кетмаган”, деб айтган О’Мэлли ва Пенс Оқ уйдаги тадбирларда шахсан иштирок этмоқчилигини қўшимча қилган.

 

https://kun.uz/news/2020/05/13/aqsh-vitse-prezidenti-ozini-trampdan-izolyatsiyalashga-qaror-qildi

Бўлишинг:

Муҳаррир танлови

Европа иттифоқи украинага берадиган ёрдамини икки бараварга оширди

Европа Иттифоқи (ЕИ) Украинага берадиган ҳарбий ёрдамини икки бараварга оширди. Ташкилот 23-март куни 1 миллиард доллар ажратишга қарор қилди. Европа Иттифоқи Кенгаши матбуот ...

Ўзбекистонда таксичилар 2018 йили 26,2 млрд сўм жарима тўлашди

2018 йилда Ўзбекистонда ноқонуний йўловчи ташувчиларини аниқлашга қаратилган 15,4 мингга яқин қўшма рейдлар ўтказилди. Ушбу маълумотлар чоршанба куни ўтказилган Халқаро ...

Туркманистон талабалари ўз хоҳишлари билан стипендиядан воз кечишга мажбурланмоқда

“Озодлик” манбаларининг хабарларига қараганда, олий ўқув юртлари талабаларини ўз хоҳишлари билан стипендиядан воз кечишлари ҳақида ариза ёзишга мажбурлашмоқда ва оилавий ...