Россия ҳарбийлари Мариуполга кириб келаётгани хабар қилинмоқда

Шанба куни Россия кучлари бир неча ҳафтадан бери қамалда бўлган Украинанинг Мариупол шаҳрига кириб келгани хабар қилинди. Баъзи оммавий ахборот воситалари Азов денгизи қирғоғида жойлашган ушбу шаҳар кўчаларида отишмалар бўлаётганини ёзмоқда.

Украина ички ишлар вазири маслаҳатчиси Вадим Денисенко шанба куни Украина телевидениесига берган интервюсида Азовстал металлургия заводи учун шиддатли жанг кетаётганини айтди.

Украина Мудофаа вазирлиги маълумотларига кўра, Мариуполда жойлашган Донецк вилоятидаги Россия армиясининг ҳужумлари туфайли Азов денгизи билан алоқа “вақтинчалик” узилган.

Бироқ Украина ҳукумати 19-март куни Мариуполдан Запорожега тинч аҳолини эвакуация қилиш учун гуманитар йўлак очилишини айтмоқда.

Бир неча кун олдин рус ҳарбийлари Мариуполдаги юзлаб одамлар бошпана топган театрга зарба берган. Шу сабабли Россияни ҳарбий жиноятларга қўл урганликда айблаш кучайган.

18-март куни Украина президенти Владимир Зеленский театрдан 130 киши қутқариб олингани, бироқ вайроналар орасида “юзлаб одамлар” бўлиши мумкинлигини айтди.

Гуманитар ташкилотлар қамалда қолган Мариупол шаҳрида 350 мингга яқин одам оғир шароитда яшаётганини айтмоқда.

 

Бўлишинг:

Муҳаррир танлови

Санкт-петербургда номаълум шахслар ўзбекистонликни  калтаклади

Ўзбекистоннинг Санкт-Петербург шаҳридаги (Россия) Бош консулхонаси 2019 йилнинг 18 июль куни мазкур шаҳарнинг Фрунзе туманида Ўзбекистон фуқароси М.К.нинг номаълум шахслар ...

Бутун дунё россиянинг қарорига қарши

Бутун дунё Россия Федерацияси Президенти Владимир Путиннинг Донецк Халқ Республикаси ва Луганск Халқ Республикаси суверенитетини тан олиш ҳақидаги оғзаки қарорига норозилик ...

Россия фуқаролари бир ойда банклардан 1,2 триллион рубль ечиб олишди  

2022-йил февраль ойида Россия фуқаролари банк ҳисоб рақамларидан 1,2 триллион рубль ечиб олишди.  Бу ҳақда Россия Марказий банкининг махсус ҳисоботида айтилади. Бу миқдор ...