Олимлар коронавирусга иммунитет қанча узоқ сақланишини аниқлашди

Коронавирусга чалинганларда ундан иммунитет оз вақт сақланиб қолади. Бу эса дунё етакчиларини “иммунитет паспорти” киритиш ғоясини қайта кўриб чиқишга ундаши мумкин.

Фото: REUTERS / Flavio Lo Scalzo

Хитойнинг Чуцин тиббиёт университети олимлари коронавирусни бошдан ўтказганлар билан тадқиқот ўтказиб, улардан аксариятида 8 ҳафтадан кейин вирусга антитаналар камайишини аниқлашган. Бу ҳақда CNBC телеканали хабар берди.

Олимларнинг айтишича, антитаналар коронавирусни аломатларсиз бошдан кечирганларда тезроқ йўқолар экан.

“Бу натижалар эса оммавий иммунитет ишлаб чиқилиши имкониятини ва вирус устидан тўлиқ ғалабага эришиш мумкинлигини шубҳа остига қўяди”, деб таъкидлаб ўтишган олимлар.

Олимлар ўз хулосаларини коронавирусни аломатсиз ўтказган 37 киши ва кучли ифодаланган аломатлар билан ўтказган 37 кишини кузатиш асосида чиқаришган.

“Кузатувнинг 8 ҳафтаси ичида антитаналар 81 фоиз аломатсиз ҳамда 62 фоиз аломатларга эга беморларда камайган. Бундан ташқари, антитаналар миқдори 40 фоиз аломатсиз ҳолатларда аниқланмайдиган даражагача камайиб кетган. Бундай йўқотиш  12,9 фоиз аломатларга эга беморларда қайд қилинган”, дейилган тадқиқотда.

Олимларнинг таъкидлашича, қайта касалланиш бу вақт масаласидир, вирусга барқарор иммунитет, айниқса коронавирусни аломатсиз кечирганларда, ишлаб чиқилмайди. Вақтинчалик иммунитет эса 2-3 ойдан кўпроққа етмайди.

Олимларнинг айтишича, улар вирус таъсирининг муҳим жиҳатларини, жумладан инсон организмининг унга иммун реакциясини ҳали ҳам ўрганишмоқда. Улар оладиган жавоблар вакцинани ишлаб чиқишда ва аҳолида иммунитет шаклланиши суръатларини баҳолашда ёрдам беради.

https://kun.uz/news/2020/06/21/olimlar-koronavirusga-immunitet-qancha-uzoq-saqlanishini-aniqlashdi

Бўлишинг:

Муҳаррир танлови

Назарбоев: шахсан мен қирғизистон ҳақида ёмон гапирмаганман

Қозоғистон Президенти Нурсултон Назарбоев Остонага расмий ташриф билан келган Қирғизистон президенти Сооронбай Жээнбеков билан учрашар экан, қирғиз делегацияси кўтариб ...

Бугундан эътиборан хорижий веб-сайтлардан тўлиқ фойдаланиш имкони мавжуд бўлади

ЕХҲТ нинг ОАВ эркинлиги масалалари бўйича вакили Арлем Дезирнинг Ўзбекистонда айрим хорижий ахборот веб-ресурсларига кириш имконияти чекланганлиги ҳақидаги расмий мурожаати ...

Махсус бюро свет-газдан қарзни “куч қўллаб” ундиришга киришди

Дубинка билан қуролланган MIB ходими 1 июлдан бошлаб президент Шавкат Мирзиёев ташаббуси билан тузилган Мажбурий ижро бюроси (MIB) аҳолининг электр ва газдан қарзини мажбуран ...