“Бизда биринчи президент ва унинг қизлари оилалари билан Қозоғистонни тарк этгани ҳақида маълумотлар бор. Мамлакатда фақат Назарбоевнинг акаси Бўлат Назарбоев қолди”, — деди «Orda.kz» бош муҳаррири Гулнора Бажкенова.
“Таъкидлаш жоизки, Қозоғистонда сиёсий инқироз бошланганидан бери на расмийлар, на давлат телевидениеси, на оммавий ахборот воситалари Нурсултон Назарбоев ва унинг оила аъзолари номини тилга олмади. Уларнинг қаердалиги ва улар билан нима содир бўлганлиги ҳақида ҳеч қандай маълумот йўқ”, — деб ёзди у.
Яна у расмий баёнотларда пойтахт Нур-Султон номи билан аталмаганини ҳам таъкидлади.
Шунингдек Қозоғистон Миллий хавфсизлик қўмитасининг собиқ раиси Карим Масимов ҳибсга ҳам олинди. У давлатга хиёнатда айбланмоқда.
Масимов 6 январ куни Миллий хавфсизлик қўмитаси раиси лавозимидан озод этилган эди. Шу куни у қўлга олиниб, қамоққа киргизилди.