Назарбоевнинг кенжа қизи Қозоғистондан 300 миллион доллар олиб чиқиб, уй сотиб олган, – «The Sunday Telegraph»

Қозоғистоннинг собиқ президенти Нурсултон Назарбоевнинг кенжа қизи 2006 йилда Лондон шимолида катта уй сотиб олган. Бундан кўзланган мақсад Британия фуқаролигини олиш экани ҳам маълум қилинган.

«The Sunday Telegraph» нашрининг ёзишича, 41 ёшли Алия Назарбоева ушбу мулкни мамлакатдан 300 миллион доллар олиб чиқиб кетганидан кейин қўлга киритган. Бу маълумот қариндоши ва унинг молиявий маслаҳатчиси билан боғлиқ жанжалдан кейин маълум бўлди.

Маълумотларга кўра, Алия Назарбоева Хайгейт ҳудудидан уй сотиб олиш учун 8,75 миллион фунт стерлинг сарфлаган. У Дубайдаги уй-жой учун яна 14 миллион доллар сарфлади. Шунингдек, у 18 миллион фунт стерлинг (24,5 миллион доллар) эвазига барча қулайликка эга «Bombardier Challenger» учоғини сотиб олгани ҳақида маълумотлар ҳам мавжуд.