Тўқаев Алия Назарбоевага алоқадор бўлган компанияни ёпишни буюрди

Қозоғистон президенти Қосим-Жўмарт Тўқаев 11 январь куни парламентда нутқ сўзлаб, “Оператор РОП” ёпишни буюрди. Компания Қозоғистоннинг биринчи президенти Нурсултон Назарбоевнинг кенжа қизи Алия Назарбоева номи билан боғлаб келишади.

“Оператор РОП” фаолияти тадбиркорлар ва кенг жамоатчиликда кўплаб саволлар туғдирмоқда, — деди Тўқаев.

2015-йилда ташкил этилган корхона чиқиндиларни йиғиш ва қайта ишлаш учун муассасалардан махсус тўлов олади. Хабарларга кўра, у ҳозиргача миллионлаб доллар тўплаган.

Расмий маълумотларга кўра, 2020 йилга келиб, “Оператор РОП” компаниясининг учта ҳисоб рақамига 220 миллиард тенге тушган.