КХШТ аскарлари 10 кундан кейин Қозоғистондан чиқиб кетишади

Коллектив Хавфсизлик Шартномаси Ташкилоти тинчликпарвар кучлари 10 кун ичида Қозоғистонни тарк этади. Аскарларни чиқариш 13-январдан бошланади. Бу ҳақда “Хабар 24” телеканалига ташкилот бош котиби Станислав Зась маълум қилди.

Аскарларнинг умумий сони 2500 киши. КХШТ кучлари икки шаҳарда, Олмаота ва Нур-Султонда жойлашган.

13-январь куни Станислав Зась Олмаотага боради ва у ерда КХШТ Коллектив тинчликпарвар кучлари қўмондони, генерал-полковник Андрей Сердюков билан учрашади, қўмондонлик пункти ва ҳарбий базаларни бориб кўради.