Бошқа мавзуларҚозоғистоннинг биринчи президенти Нурсултон Назарбоев қозоқ халқига мурожаат қилди.
“Ҳурматли қозоғистонликлар! Ҳурматли ватандошлар!
Январь воқеалари бутун Қозоғистонни даҳшатга солди. Бу тартибсизликлар ва ҳужумлардан мақсад мамлакат яхлитлигини, давлат асосларини бузиш эди” — дейди Элбоши.
У барчани президент Қосим-Жўмарт Тўқаев атрофида бирлашишга чақирган. У 2019 йилда ҳокимиятни топширганини ва ҳозирда пенсионер эканини таъкидлаб ўтган.
Эслатиб ўтамиз, Назарбоев ҳақида турли миш-мишлар пайдо бўлганди. Жумладан, унинг Дубайга ёки Хитойга кетгани, ҳатто вафот этгани ҳам тахмин қилинганди.
