Бошқа мавзуларҚирғизистонда 2021-йилда яшаш минимуми 6268 сомни ташкил қилган. Бу ҳақда Миллий статистика қўмитаси маълум қилди.
Ҳисоботга кўра, 2020-йилга нисбатан бу кўрсаткич 17 фоизга ошган.
2021-йилда яшаш учун энг юқори ўлчам Жалолобод вилоятида, Ўш ва Бишкекда шаҳарларида белгиланди. Шу билан бирга, 2020-йилга нисбатан яшаш минимумининг энг кўп ўсиши Ўш шаҳрида (19,1 фоизга) Боткен вилоятида (18,1 фоизга) кузатилди.
Қирғизистон Республикаси Ҳукуматининг 2009 йилнинг 6 ноябрдаги 694-сонли қарори билан тасдиқланган яшаш минимуми тузилмаси бўйича озиқ-овқат маҳсулотларининг улуши 65 фоизни, ноозиқ-овқат маҳсулотлари – 16 фоизни, хизматлар – 17 фоизни ва солиқлар – 2 фоизни ташкил қилади. Озиқ-овқат саватининг энергетик қиймати 2101 ккал бўлиб, унинг кимёвий таркиби 73 грамм оқсил ва 71 грамм ёғни ўз ичига олади.
