Бошқа мавзуларРоссиянинг ҳарбий ҳаракатлари ва эҳтимолий ҳужумлари сабабли Қўшма Штатлар Украинадаги фуқароларини бу мамлакатни зудлик билан тарк этишга чақирди.
Давлат департаменти Киевдаги АҚШнинг элчихонаси ходимларининг яқинлари Украинани зудлик билан тарк этиши кераклигини эълон қилди. Шунингдек элчихонада зарур бўлмаган ходимларни ҳам Украинадан чиқариш ҳам кўриб чиқилмоқда.
“АҚШ ҳукумати ўз фуқароларини Украинадан эвакуация қилмайди, шунинг учун бу ердаги америкаликлар мамлакатни тарк этиш учун ўзларининг тижорий йўлларини топишларига тўғри келади. Бу шунчаки огоҳлантириш, биз Украинага қарши эмасмиз ва уни қўллаб-қувватламаймиз ҳам”, — дейилади баёнотда.
АҚШ Давлат департаменти Россия томонидан аннекция қилинган Қрим ва Россия назоратидаги Украинадаги вазият хавфли экани, Киевда такрорий намойишлар зўравонликка айланиши мумкинлигидан хавотир билдирди.
АҚШ, Британия, Канада, Франция ва Германия каби 30 га яқин аъзони ўз ичига олган НАТОга Украинанинг қўшилиши ўтган ёзда кўриб чиқилган. Шундан кейин Россия Украина чегарасига100 мингга яқин аскарини олиб келган. Қўшма Штатлар ва бошқа Ғарб давлатлари Москвани “ҳужумга тайёрланаётганликда” айбламоқда. Москва бу айбловларни рад этади.
