Қозоғистон билан Ўзбекистонда электр берила бошланди

Қозоғистоннинг электр энергияси етказиб берувчи KEGOC компанияси электр таъминоти аста секинлик билан берилаётганини айтди. Компания маълумотларига кўра, Олмаота ва Олмаота вилояти электр энергияси билан тўлиқ таъминланган.

Ўз баёнотида компания Ўзбекистон ва Қирғизистон энергетика тизимлари билан иш олиб бораётганини қўшимча қилди.

Дастлабки маълумотларга кўра, электр таъминотидаги узилишга Марказий Осиё энергетика ҳалқасида содир бўлган авария сабаб бўлган.

25-январ куни тушда Қирғизистон, Қозоғистон ва Ўзбекистоннинг айрим ҳудудларида электр ўчди.

Тошкентда метро ишламай қолди, мобил алоқа узилиб қолди. Умуман олганда, Ўзбекистондаги барча аэропортлар фаолияти тўхтаб қолган.

Қозоғистоннинг Олмаота, Жамбил ва Туркистон вилоятларида электр ёруғи ўчди.

Ўзбекистон Энергетика вазирлиги носозлик Қозоғистон энергетика тизимида эканлигини айтса, Қозоғистон томони авария Қирғизистон ва Ўзбекистон томонидан содир этилганини айтди. Аввалроқ Қирғизистон расмийлари авария мамлакатда содир бўлмаганини маълум қилган эди.

Мутахассисларнинг айтишича, Марказий Осиёнинг энергетика инфратузилмаси эскирган. Деярли барча электр стансиялари совет даврида қурилган.

Бўлишинг:

Муҳаррир танлови

Ўзбекистонда “muslim тv” интернет телеканали иш бошлади

Ўзбекистон мусулмонлари идораси томонидан муборак Рамазон ойида "Muslim ТV" интернет телеканали йўлга қўйилди. Бу ҳақда диний идора матбуот хизмати хабар берди. (more…)

Тожик аёлларининг 10 фоизи эридан қўрқмаслигини маълум қилишди

Тожикистонлик аёлларнинг 90 фоизи эрининг қаҳридан қўрқади. Тожикистон Статистика агентлиги ўтказган ижтимоий сўров хулосаси мана шундай бўлди, дея ёзмоқда “Соф.уз” сайти. ...

Қирғиз-тожик чегарасида яна отишма содир бўлди

Бугун, 10-март куни Қирғизистон-Тожикистон чегарасида қуролли тўқнашув юз берди. Бу ҳақда Қирғизистон давлат чегара хизмати хабар бермоқда. Тахминан соат 10:50 ларда Боткен ...