Пентагон 8000 дан ортиқ аскари тайёр турганини билдирди

Пентагоннинг маълумот котиби Жон Кирби Украина атрофидаги вазиятдан сўнг 8500 га яқин америкалик аскар юқори таёргарликка келтирилганини маълум қилди.

У  агар НАТО ўзининг Тезкор ҳаракат қилиш кучларини фаоллаштирса, АҚШ қўшинлари альянсга аъзо давлатларга жойлашишини айтмоқда.

НАТО ўз кучларини тайёрлаётгани, Шарқий Европага қўшимча вертолётлар ва ҳарбий кемалар жўнатаётганини бунгача маълум қилган.

АҚШ президенти Жо Байден 24-январда Европадаги ҳамкорлари билан Украина атрофидаги вазиятни онлайн муҳокама қилди. Байденнинг айтишича, Ғарб давлатлари Россиянинг агрессиясига қарши биргаликда туришини маълум қилган.

Европа Иттифоқига табиий газнинг 40 фоизини Россия етказиб бераётган бир пайтда, Москва мана шундан фойдаланиб ҳамкорларнинг ўртасида келишмовчиликни қўзғатиши  мумкинлигидан Вашингтон хавотирланиб келмоқда.

Ўтган йилнинг кузидан бери Россиянинг Украинага бостириб кириши эҳтимоли қизғин муҳокама қилинмоқда. Айрим оммавий ахборот воситалари Москва қўшни давлат билан чегарада 100 мингга яқин аскар тўплаётгани ҳақида хабар тарқатган.

Аввал Москва АҚШ ва НАТОга ўз талаблари билан тузилган шартнома лойиҳасини тақдим этган. “НАТО шарқ томон кенгаймаслиги, Россия чегараси яқинида ракеталарни жойлаштирмаслиги, 1997-йилги чегарадан ташқарида ҳеч қандай машқлар ёки разведка операциялари ўтказмаслиги керак”, деган шартлар мавжуд.

АҚШ расмийлари Россиянинг баъзи талабларини бажариб бўлмайди, қолганлари бўйича музокаралар олиб бориш мумкинлигини маълум қилган.

Бўлишинг:

Муҳаррир танлови

Покистонда ёнғин оқибатида 500 дан ортиқ мотоцикл ёниб кетди

Покистоннинг Карачи шаҳридаги автотураргоҳда содир бўлган ёнғин оқибатида 500 дан ортиқ мотоцикл, еттита енгил автомобил ва бир автобус ёниб кетди. Миллий ОАВ хабарига кўра, ...

«ўзбекистон ҳаво йўллари»нинг икки мутахассисида коронавирус қайд этилди

Бундан ташқари, Тошкент шаҳридаги ички ишлар терговчисида, Бухоро вилояти кўз касалликлари шифохонасининг 3 нафар тиббиёт вакилида, Бойсун тумани Халқ банки филиали ходимида, ...

Москвада автобус йўловчиларни босиб кетди, қурбонлар бор (видео)

Москвада автобус ер ости йўли зинапоясида турган пиёдалар устига юриб кетди. Расмий маълумотларга қараганда, тўрт киши ҳалок бўлди, яна 11 одам жабрланди, улардан тўққиз ...


Warning: Missing argument 2 for _x(), called in /home/npzfqf3cbnqn/public_html/mulkdor.com/wp-content/themes/mulkdornew/inc/functions/theme_functions.php on line 1213 and defined in /home/npzfqf3cbnqn/public_html/mulkdor.com/wp-includes/l10n.php on line 399

Notice: Undefined variable: context in /home/npzfqf3cbnqn/public_html/mulkdor.com/wp-includes/l10n.php on line 400