Тошкент ва Ўзбекистоннинг бошқа ҳудудларида электр таъминотидаги узилишлар туфайли дўконларда сув билан шам нархи кескин кўтарилди. Аксарият савдо нуқталарида ҳам уларни топиш қийин, деб ёзади ЎзА.
“Ўзбекистон сув таъминоти” корхонаси электр қуввати берилгач, сув узилиши мумкинлиги ҳақида огоҳлантирган.
Ўзбекистон Энергетика вазирлиги матбуот хизмати хабарига кўра, Қорақалпоғистон ва Хоразм вилоятида электр энергияси тўлиқ тикланди, Фарғона, Андижон, Сурхондарё ва Тошкент шаҳарларига қисман тикланган. Айни пайтда республиканинг бошқа ҳудудларида электр босқичма-босқич берилмоқда.
Кеча, 25-январь куни Марказий Осиёда Қозоғистон, Қирғизистон ва Ўзбекистонда электр энергияси узилиб қолиб, оммавий авария юз берди. Бунга транзит линиясининг ҳаддан ташқари юкланиши сабаб бўлган, деб хабар қилмоқда KEGOC электр тармоқлари бошқармасининг қозоқ операторининг матбуот хизмати.