Қозоғистоннинг биринчи президенти Нурсултон Назарбоевнинг қизи, парламент депутати Дариға Назарбоева Бирлашган Араб Амирликларининг Дубай шаҳрида. Бу ҳақда «КазТАГ» нашрига парламентдаги манбалари маълум қилди.
Назарбоева январь ойида намойишлар бошланганидан бери Масжлисдаги йиғилишда қатнашмаган. Расмий маълумотларга кўра – у коронавирус юқтириб олган.
Бироқ “Нур Отан” партияси раҳбарияти ўзгарганидан сўнг (раислик лавозими Нурсултон Назарбоевдан ҳозирги президент Қосим-Жўмарт Тўқаевга ўтганда) Дариға Назарбоева партиянинг сиёсий кенгашида ҳам, бюросида ҳам йўқлиги маълум бўлди.