“Толибон” ҳаракати матбуот котиби Забиҳуллоҳ Мужоҳид жангариларга Афғонистондаги кўнгилочар масканларда қурол олиб юришни тақиқлади, деб хабар бермоқда Reuters ахборот агентлиги.
Мужоҳид, шунингдек, толиблар кўнгилочар жойларга ҳарбий кийим ва машиналарда кира олмаслигини айтган.
“Ислом Амирлиги жангариларининг кўнгилочар жойларга қурол-яроғ, ҳарбий кийим ва транспорт воситалари билан кириши тақиқланган. Улар кўнгилочар жойларнинг барча тартиб ва қоидаларига риоя қилишлари шарт”, – дейди Толибон вакили Забиҳуллоҳ Мужоҳид твиттер саҳифасида.