Туркиялик қутқарувчилар 2-февраль куни Греция билан чегарада совуқдан вафот этган ўн нафар муҳожирнинг жасадини топди.
Мамлакатнинг ички ишлар вазири Сулаймон Сўйлу юнон чегарачиларини “муҳожирларни чегарадан ўтказмасдан, оёқ кийимларини ечиб, қайтариб юборган” дея айблади. Вазир твиттердаги баёнотида муҳожирларнинг келиб чиқиши мамлакатига аниқлик киритмаган.
Греция миграция вазири зудлик билан жавоб қайтарди ва Туркия ҳукуматининг баёнотини “ёлғон ва провокацион” деб атади. Унинг сўзларига кўра, муҳожирлар чегарага етмасдан қотиб қолишган.
Яқин Шарқ ва Африкадан Европага кетаётган муҳожирлар одатда Туркия орқали киришга ҳаракат қилишади.
Ҳозирда Туркияда тўрт миллионга яқин суриялик ва 30 мингдан ортиқ афғон қочқинлари бор.