Бошқа мавзуларЎтган йили Нижний Новгородда ўғирланиб, Грознийга олиб кетилган икки чечен ака-ука Салеҳ Магамадов ва Исмаил Исаевларни ҳимоя қилиб, 100 мингдан ортиқ одам онлайн петицияни имзолади.
idelreal.org сайтига кўра, дунёнинг турли бурчакларидан имзо қўйган одамлар Грозний қамоқхонасида сақланаётган 20 ёшли ака-ука Салеҳ Магамадов ва 18 ёшли Исмаил Исаевни озод қилиш учун АҚШни жаҳон дипломатиясидан фойдаланишга чақирган.
Ака-ука Салеҳ Магамадов ва Исмаил Исаевлар 2020 йилда Чеченистондан қочиб кетишган. Қодиров номидаги Потпульд гвардия полкининг казармаси ер тўласида калтаклангани айтилди. “Новая газета”нинг ёзишича, ёш йигитлардан бири гей, иккинчиси эса трансгендерлик даврини бошидан кечирмоқда.
Чеченистонда ҳибсга олинган ёшлар Жиноят кодексининг 208-моддаси 2-қисми (“Ноқонуний қуролли кучларда қатнашиш”) билан айбланиб, улар 15 йилгача қамоқ жазосига ҳукм қилиниши мумкин. 22-декабрь куни суднинг Чеченистондаги ишини қайтариб олишдан бош тортганига жавобан ака-ука тергов изоляторида очлик эълон қилгани хабар қилинган. Аввалроқ улар тергов изолятори ходимлари билан оператив ходимлари томонидан қийноққа солингани ҳақида гапирган эди.
