Руандада истиқомат қилувчи аёл ўзи билмаган ҳолда акасининг фарзандларини дунёга келтирди. У ҳақиқатни билганидан сўнг ундан воз кечишга қарор қилди. Бу ҳақда Кениянинг Tuko газетаси ёзмоқда.
44 ёшли Мукандамаге Домитиланинг онаси у туғилгандан бир йил ўтиб вафот этганини айтади. Бир неча йил ўтгач, у отасидан айрилади. Шунинг учун оиланинг қариндошлари эр-хотиннинг фарзандларини тарбиялаш масъулиятини бўлишиб олади. Шундай қилиб, у акаси билан икки томонга айрилиб кетади. Аёлнинг асраб олган оила унга акаси борлигини айтишган бўлса-да, синглиси уни излашга интилмаган.
Орадан кўп йиллар ўтиб у уй хизматкори бўлиб ишлайди. Кунлардан бирида ишдан кейин у пойтахтда бир одамни учратиб қолиб, танишади. Ёшлар тил топишиб, тез орада севишиб қолишади. Кейин улар бирга яшашади ва турмуш қуришади. Бу вақт ичида эр-хотин учта фарзандни дунёга келтиради.
Бир куни қариндошидан келган хабар бахтли оиланинг никоҳини бузади. Домитила билан унинг куёви қориндош ака-сингиллар экани маълум бўлади. Бу даҳшатли янгилик африкалик аёлнинг ҳаётига салбий таъсир қилади. У уйга қамалиб, ташқарига чиқмайди. Сув олишга ҳам бормайди.
Домитилланинг сўзларига кўра, одамлар унинг болаларини масхара қилишиб, ака-сингилнинг болалари эканини юзига солишган. Шунинг учун у акаси бўлган эрини ташлаб кетишга қарор қилади.
Ўшандан бери беш йил ўтган. Эркак бирор маротаба собиқ севгилиси ва болалари билан боғланиб, алоқа қилмаган.
Африкалик бу аёл қурилиши тугалланмаган уйда яшайди, унинг икки фарзанди касалликдан азият чекади. Домитила уйини қуришга, болаларини даволаш учун меҳрибон одамлардан ёрдам сўрайди.