Франциядаги пул ишлаб чиқарувчи заводда даҳшатли ёнғин содир бўлди

Франциянинг Шамальер  шаҳридаги банкноталар фабрикасида даҳшатли ёнғин содир бўлди.

Интернетда жойлаштирилган кадрларда Марказий банкнинг пул ишлаб чиқарувчи заводида содир бўлган даҳшатли ёнғин кўрсатилган. Ёнғин завод лабораториясида чиққани ҳақида хабар қилинган.

Маҳаллий ОАВ маълумотларига кўра, ёнғин оқибатида ҳеч ким жабрланмаган, бироқ 34 киши енгил тан жароҳати олиб, яқин атрофдаги Клермон-Ферран касалхонасига етказилган. Фабрикада 387 нафар фабрика ишчиси бўлиб, улар воқеа жойидан эвакуация қилинган.

Воқеа жойига етиб келган ўт ўчирувчилар ёнғин тарқалишини камайтирди. Ёнғинни ўчиришга 60 нафар ўт ўчирувчи ва 24 та махсус техника жалб қилинган.

Завод директори Пьер-Ив Буассинонинг айтишича, ёнғин ишлаб чиқаришга таъсир қилган.

“Бу, албатта, ишлаб чиқаришга таъсир қилади, лекин бахтмизга ишлаб чиқариш воситаларига таъсир қилмади. Тегишли чора-тадбирлар туфайли биз ёнғинни ўчиришга муваффақ бўлдик, чунки бундан ҳам баттар бўлиши мумкин эди”, деди у.

Ёнғинни келиб чиқиш сабаблари ҳозирча аниқланмаган, расмийлар воқеа юзасидан суриштирув ишларини олиб борилаётганини айтишмоқда.

Эслатиб ўтамиз, Шамальер заводи Европа Иттифоқи банкнотларининг бешдан бир қисмини ишлаб чиқаради. Ҳар йили 2,5 миллиардга яқин банкнотлар чоп этилади.

 

Бўлишинг:

Муҳаррир танлови

Орол денгизи тубида ҳимоя ўрмонзорлари барпо этишга 100 млрд. сўм ажратилади

Вазирлар Маҳкамасининг қарорига асосан Орол денгизи тубидаги суви қуриган ҳудудларда “яшил қопламалар”-ҳимоя ўрмонзорлари барпо этишни жадаллаштириш чора-тадбирлари ...

Бош вазир ўринбосари зоир мирзаевнинг истеъфоси ҳақида

Зоир Мирзаевнинг истеъфога чиқарилиши яқин ўтмишда жамоатчилик реакцияси асосида амалга оширилган энг катта истеъфо, десак хато бўлмайди. Бунақаси ҳали бўлмаган. Айтиш ...

Ойбек норинбоев ўзбекистон ўқ отиш спорти федерацияси раиси бўлди

Ўзбекистон инновацион ривожланиш вазири ўринбосари Ойбек Кабилжанович Норинбоев Ўқ отиш спорти федерацияси раиси этиб сайланди.  Бу ҳақда Инновацион ривожланиш вазирлиги ...