Покистонда ўқитувчи Яратганни ҳақорат қилгани учун умрбод қамоқ жазосига ҳукм қилинди

Покистон суди ҳинду ўқитувчисини Яратганни ҳақорат қилди, деган айблов билан умрбод қамоқ жазосига маҳкум этди ва 300 доллар жаримага тўлашни мажбуриятини юклади. Наутан Лал 2019-йил сентабрида ҳибсга олинган. Унинг ёнида тарқалган видеода ўқувчилар ўқитувчини Муҳаммад (с.а.в.) пайғамбарни ҳақорат қилишда айблашган. Шундан сўнг маҳаллий мулла бу ҳақда полицияга шикоят қилган.

Лалнинг қариндоши “Машал” радиосига унинг айбини исботловчи гувоҳлар йўқлигини айтди. Унинг сўзларига кўра, ҳинду жамоаси мусулмонлар кўп бўлган ҳудудда таҳдидларга дуч келади.

Маҳаллий депутат, ҳинду озчилик вакили Рамеш Кумарнинг айтишича, суд мусулмон жамияти босими остида қарор чиқарганини айтиб, апелляцияга беришини маълум қилди.

Яратганни ҳақорат қилиш Покистонда жуда нозик масала. Бундай сўзлар ва ишлар учун ўлим жазоси қўлланилади. Асоссиз айбловлар туфайли одамларни кўчада отиб кетиш, тириклайин ёқиб юбориш,  тошбўрон қилиб ўлдириш ҳолатлари кўп қайталанади.

Ўтган декабрда бир тўп оломон Шри-Ланкалик бир эркакни калтаклаб, ўлдиргандан сўнг жасадини ёқиб юборган эди. У Панжоб шаҳрида юрган вақтида  Яратганни ҳақорат қилган дея гумон қилинган.

Бўлишинг:

Муҳаррир танлови

Энди қирғизистондаги барча масжидларда жума маърузалари қирғиз тилида айтилади

Қарорни бажарилишини муфтият, вилоят, туман ва шаҳар имомлари назорат қилишади. Фото:Спутник Бундан кейин диний иш қоғозлари ва жума маърузалари қирғиз тилидагина ...

Мирзиёев обидхон қорини оқлайдими?

Ўзбекистон Ички ишлар вазирлиги расмий веб сайтидаги "Қидирувдаги шахслар" рўйхатидан таниқли уламо Обидхон қори Назаров ҳақидаги маълумотлар олиб қўйилган. Маълумотларнинг ...

Ўзбек аёли паранжини қандай ташлади?

Ўтган асрнинг 20–30-йиллари Ўрта Осиё минтақаси аёллари тақдирида туб бурилиш ясади. Уларнинг турмуш тарзи, ижтимоий фаоллиги, жамиятдаги ўрни, ижтимоий хулқ-атвори тубдан ...