Тожикистоннинг Хатлон вилоятида афғон қочқинлари учун махсус лагер ташкил этилади. Бу ҳақда Тожикистон ҳукумати маълум қилди.
Афғонистондан қочиб ўтганлар лагерга жойлаштирилади. Яқин келажакда халқаро ҳамжамият кўмагида бир нечта лагерлар барпо этилиши маълум қилинди. Тожикистонда шу кунгача афғон қочқинларига лагер қуриш учун 70 гектар ер ажратилган.
Толибон Кобулда ҳокимиятни эгаллаб олганидан кейин Тожикистонга кириб келаётган қочқинлар сони ортган. Расмий маълумотларга кўра, айни пайтда ушбу давлатда 15 мингга яқин афғон қочқинлари мавжуд. Аввалроқ”Хьюман Райтс Вотч” Афғонистонга қўшни давлатларни Толибон таъқибидан қочган афғонларни қўллаб-қувватлашга чақирган эди.