АҚШ президенти Жо Байден агар уруш бошланса, АҚШ Украинага қўшинларини юбормаслигини маълум қилди.
Бироқ, у АҚШ НАТОнинг коллектив мудофаа тамойилига амал қилишини айтди. Қўллаб-қувватлаш чораси сифатида у Украинага техника ва қурол-яроғ юборишга ваъда берди.
“Мен АҚШ қўшинларини Украинага юбормасам-да, украиналик ҳарбийларга ўзини ҳимоя қилиш учун жиҳозлар етказиб бераман”, деди у. Шунингдек, биз уларга турли маслаҳатлар берамиз ва барча разведка маълумотларини баҳам кўрамиз. АҚШ НАТО ҳудудининг ҳар бир қаричини ҳимоя қилади. НАТО давлатига қилинган ҳужум иттифоққа қилинган ҳужумдир”, деди Байден.
Аввалроқ Пентагон матбуот котиби Жон Кирби Шарқий Европага юборилган АҚШ қўшинлари Украинадаги урушда иштирок этмаслигини маълум қилганди.